Matius 13:25 - En Taar Weru a nunuwu' é Tontemboan

²⁵ Taan asi sangawengi an tutuw é tou kinakili'ano waya, si kaséké' i makauma itu mai muras in lulumbo ing kuung an uner ing gandum itu wo sia maréng.

Matius 13:25 ပူးပေါင်းရင်းမြစ်များ

Matius 13:24

Wo sisil i Yesus ka'i esa andéan walina a sé tou keli itu, icua-Na, “Eng Kakolanoan in Sorga ayandé tanu si tou mawuras in lulumbo loor an umana.

Matius 13:26

Wo an tutuw en lulumbo ing gandum itu masééo wo tumo'tolo mawua', kaséréano ka'i eng kuung itu.

Matius 13:27

Wo mai sé tou matawoi in uma itu a si makauma wo kumua, ‘Tuang, ra'ica réén lulumbo loor si aiwuras i tuang an uma i tuang? Am bisa owo réén eng kuung itu?’

Matius 13:29

Taan isowat i makauma, ‘Tioo, sa kémbuten iow sé kuung itu, tantu awéan eng gandum kakémbutan.

Matius 13:30

Anaé, iwayao taré mio' eng gandum wo eng kuung itu tumou mewali-wali akar an orasna in upuun. Wo an tutuw itu icuaku oka a sé maupu' in tana'i: Umungen owo eng kuung wo émaano sanga-sanga wa'kes wo tunun. Kekawus in itu umungeno eng gandum wo mangé yéma' am paumungan ing gandumku.’ ”

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 25:5

Taan ampa'paan si tuama kumawéng itu uré-uréanai, sé sangapulu' mangala'un itu makili'o keli akar séra kinakili'ano.

Galatia 2:4

Awéan sé tou tanuoka woo maémano a si Yesus Kristus taan séra towo. Icasalé' éra pakasa sé tuama sunaten. Séra muntep ang karapi i maene- enep an jamaat en tumi'tir sa awéan tou sé ra'io ka'i mengakiit in ukum Torat ampa'paan maéman a si Yesus Kristus. Icasalé' éra wosama' sé tou maéman kasake' pakawa'kesen in ukum Torat wo kinawasa in ukum itu.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

2 Petrus 2:1

Indior, an uner é tou i Amang Kasuruan, imapaturu'o sé nabi ra'ica wutul. Tanu siituo ka'i an uner iow, mapaturu' oka mai ka'i sé guru ra'ica wutul. Em paangé-angén éra en sumusui in sususuien mengasélé'kow si mengawali sé tou am papaté. Sé guru ra'ica wutul itu mengakélong si Apo' Yesus si Makakawasa si tumu'buso ing kamesé-meséaan éra. Ampa'paano in itu, séra makala'us oka patén.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.