Matius 13:24 - En Taar Weru a nunuwu' é Tontemboan

²⁴ Wo sisil i Yesus ka'i esa andéan walina a sé tou keli itu, icua-Na, “Eng Kakolanoan in Sorga ayandé tanu si tou mawuras in lulumbo loor an umana.

Matius 13:24 ပူးပေါင်းရင်းမြစ်များ

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Matius 13:25

Taan asi sangawengi an tutuw é tou kinakili'ano waya, si kaséké' i makauma itu mai muras in lulumbo ing kuung an uner ing gandum itu wo sia maréng.

Matius 13:31

Wo isisil ka'i i Yesus esa andéan walina ai séra, icua-Na, “Eng Kakolanoan in Sorga ayandé tanu im batuna si tumeki-tekic, niindo i esa tou wo mangé yusewna an umana.

Matius 13:33

Awéan ka'i andéan walina en aisisil i Yesus ai séra, “Eng Kakolanoan in Sorga ayandé ka'i tanu i ragi si niindo i esa wéwéné wo icemuna an topong epat ngapulu' liter akar ruméis waya.”

Matius 13:37

Wo isowat i Yesus, “Si tou imuras in lulumbo loor, siao si Toyaang i Tou.

Matius 13:47

“Taniitu ka'i eng Kakolanoan in Sorga itu ayandé tanu in lolombo' wangker si ailombo' an ta'sic wo makéré sera' sé membam-balinaan.

Matius 18:23

Musti émaanmu tanu siitu, ampa'paan andumoro' ing Kakolanoan in Sorga meputé wo in andéan anio': Awéan si esa kolano imurus in utang é atana ai sia.

Matius 20:1

Icua i Yesus, “Taniitu ka'i andumoro' ing Kakolanoan in Sorga meputé wo in andéan anio'. Awéan esa tou maka- uma wo en umana niusewan in anggor. Matawi mando, sia kumesot e mangéré tou mangé tumawoi an uma in anggorna.

Matius 21:33

“Lingan iow ka'i si esa andéan walina: Awéan si esa makauma imuka' uma usewan in anggor wo pagerenna waya en lumi'cir in uma itu. Wo sia kuma'il esa lo'beng an tana' em patepesan in anggor. Wo toorna terung rangka' an uma itu, paento'an i matéir in uma. Wo iséwana en uma itu a sé tou matawoi in uma kumawus in itu sia mangé an doong walina.

Matius 22:2

“Eng Kakolanoan in Sorga meputé wo si andéan anio': Awéan esa kolano méma' im pésta kawéng i toyaangna.

Matius 25:1

“Eng Kakolanoan in Sorga meputé wo in andéan anio': awéan sangapulu' mangala'un mindo in sosoloan mangé sumungkul si tuama kumawéng.

Matius 3:2

“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Lukas 13:18

Wo icua ka'i i Yesus, “Yandé-Ku in sapa eng Kakolanoan i Amang Kasuruan wo en itu ipeputé-Ku in sapa?

Lukas 13:20

Wo icua ka'i i Yesus, “Yandé-Ku in sapa eng Kakolanoan i Amang Kasuruan?

Kolose 1:5

Kamu maéman wo mengaupus taniitu ampa'paan kamu maarap wo mengento-ngento' sapa sé aitu'tu'o i Amang Kasuruan torona miow an sorga. Em paarapen itu liningao miow an tutuw in sususuien wutul ipakua-kuao ai camu. Siituo en Abar Kaaruien andumoro' i Yesus Kristus.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.