Matius 13:22 - En Taar Weru a nunuwu' é Tontemboan

²² En lulumbo sé rumongkor an unér in dukut tutunéan en itu meputé wo sé tou ilumingao in taar, taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan. Pakasa en itu méma' iséra ra'ica iméé rékén asi taar itu akar ra'ica imua'.

Matius 13:22 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 13:40

Anaé, kaputé ing kuung itu niumung wo tunun an api, taniituo ka'i e mamuali asi endo kaka'puan ing kayo'baan.

Matius 13:7

Wo sé lulumbo walina rumongkor an uner in dukut tutunéan. Ang karoro'ano in lulumbo itu matou, sé rukut tutunéan itu ka'i menéé-néé wo sumaput in tinanem itu akar ime'del.

Lukas 12:15

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Lukas 12:21

Tanu siituo ka'i e mamuali a sé tou sé asalo mengumu-ngumung ing kasiyaan in owakna in esa, taan ra'ica mengawéé ang karapi in lekep en até e mengaarui in até i Casuruan. Sé tou tanu siitu meputéo wo sé tou ra'ica wana sapa-sapa an dior i Amang Kasuruan.”

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

Lukas 8:14

En lulumbo irumongkor an tana' pengatowan in dukut tutunéan, ayandé sé tou ilumingao in Taar i Amang Kasuruan, taan séra maindé-indé'ke' andumoro' ing katouan éra wo masalé'ke' menonou ang kasiyaan wo ang kaaruian asi kayo'baan anio'. Pakasa en itu méma' im paémanen éra ra'ica keter meputé wo in lulumbo ra'ica mengawéé wua'na loor.

Kisah Para Rasul 8:18

An tutuw itu si Simon makaséré sé ruru'du'an itu e maro ing kama an do'kos é tou Samaria itu wo séra tumerima i Roh Le'nas. Wo sia méé roit a sé ruru'du'an itu wosama' sia ka'i ro'na méma' in taniitu.

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

1 Korintus 1:20

Sa taniitu, sapa en torona é tou awéan kapinteran? Wo sapa en toronana sé tou makailek wutul in Torat? Wo sapa en torona sé tou pandéi ang kayo'baan anio' sé masalé' masundur i nunuwu' é tou walina? En ulitna aituru'o i Amang Kasuruan sapaoka eng kapinteran é tou pandéi itu ra'ica wana torona.

1 Korintus 2:6

Mandé ka'i in taniitu, sa kami makua a sé tou sé uli-ulit maémano, kami makua andumoro' ing kapinteran. Eng kapinteran itu ra'ica asi kayo'baan owo, ra'ica ka'i asé tou owo sé makatimboi ing kakawasaan ang kayo'baan anio', si kakawasaan maka'pu oka.

1 Korintus 2:8

Wo ra'ica wana esa tou asé makatimboi ing kakawasaan asi kayo'baan anio' e makailek andumoro' ing kapinteran itu. Sa eng kapinteran itu kailekan éra, ra'ica aisalip éra si Apo' Yesus si parayo-rayo wo pasiri-siriin itu.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.