Matius 13:2 - En Taar Weru a nunuwu' é Tontemboan

² Wo rérot oka sé tou keli mai mali'us lumi'cir Sia. Ampa'paan in itu Sia sumaké an londéi wo lumukut am bitu, taan sé tou keli itu makatulung an tembir in lour.

Matius 13:2 ပူးပေါင်းရင်းမြစ်များ

Matius 15:30

An tutuw itu keli en tou meréro-rérot maai ai Sia. Iwali éra mai sé tou késo', sé tou wola, sé tou kénto', sé tou wowo' wo keli ka'i en sakit walina, wo iweta' éra an dior i Yesus. Wo séra im baya sinama'-Na.

Matius 4:25

Ampa'paan in ituo sé tou keli meréro-rérot makiit si Yesus. Séra an sangkum ing Galilea owo, Dekapolis, Yerusalem, Yudea wo an lewet in doyongan Yordan wo mai am bitu.

Markus 4:1

Asi makasa si Yesus tumo'tol ka'i masusui an tembir in lour Galilea wo kelian en tou mai mali'us ai Sia. Ampa'paan in itu, Sia sumaké an londéi si ang karoro'an i makasuwa' an tembir in lour wo Sia lumukut am bitu. Wo sé tou keli an tembir in lour.

Lukas 5:3

Wo si Yesus sumaké asi esa londéi anu i Simon. Wo iru'du'-Na si Simon en tumuké in londéina wosama' tumayang toyo' an tembir in lour. Wo si Yesus lumukut an londéi itu wo sumusui a sé tou keli sé an tembir in lour.