Matius 13:15 - En Taar Weru a nunuwu' é Tontemboan

¹⁵ Ampa'paan en até i bangsa anio' kumetéo, en lunteng éra imawengelo, wo em beren aicili'o wutul wosama' em beren éra ra'ica suméré, wo en lunteng éra ra'ica luminga wo en até éra ra'ica makailek, wosama' séra ra'ica maréng sumawel en samaan-Ku.’

Matius 13:15 ပူးပေါင်းရင်းမြစ်များ

Markus 4:12

wosama' sé aipatic ang Kitap Le'nas mamuali, ‘Mandé sinéré éra taan ra'ica kailekan éra sapa en sinéré. Mandé ka'i lininga éra taan ra'ica kinailekan éra sapa en lininga. Ampa'paano séra taniitu, séra ra'ica mape'dis wo ra'ica makéré ing kaampungan.’ ”

Lukas 19:42

Icua-Na: “Oré wéta' ko é kota Yerusalem! Lébé loor woo sa asi endo anio' kamu sé maento' am bitu makailek tumambisa meeluran wo si Amang Kasuruan. Taan intarépé' pakasa en itu ra'ica kailekan iow!

Kisah Para Rasul 28:27

Ampa'paan en até i bangsa anio' kumetéo, en lunteng éra imawengelo wo em beren éra aicili'o wutul, wosama' em beren éra ra'ica suméré wo en lunteng éra ra'ica luminga, wo ka'i en até éra ra'ica makailek, wosama' séra ra'ica maréng sumawel en samaan-Ku.’ ”

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Kisah Para Rasul 7:57

Kelinga in itu, wo séra mengangko-ngangko' wo makatutuw in lunteng. Kumawus in itu serangen éra sia.

2 Timotius 4:4

Séra ra'ica kiim luminga in sususuien wutul i Casuruan, taan masalé'ke' luminga in sisisilen sé asalo niéma' é tou.

Ibrani 5:11

Keliané' sé musti icua ami in andumoro' in itu, taan susa en sumisil ampa'paan kamu ngenger makailek.

Wahyu 22:2

wo maroyong an uner in lalan ang kota itu. Ang ka'biri wo ang kakan in doyongan itu awéan tuu-tuura ing katouan. Sé tuura itu mengawua' makasangapulu' rua an esa ngata'un, anaé susur in serap makasake' mua'. En lalaina in tuu-tuura itu pengapakén en sumama' sé bangsa.