Matius 12:48 - En Taar Weru a nunuwu' é Tontemboan

⁴⁸ Taan isowat i Yesus a si tou itu, “Si séi réén si inang-Ku? Si séi réén sé mepoow wo Yaku?”

Matius 12:48 ပူးပေါင်းရင်းမြစ်များ

Matius 10:37

Si séike' e mengaupus si amang kuma'pa si inangna lumébémai in upusna a Yaku, sia ra'ica patus mamuali tou-Ku. Wo si séike' e mengaupus si toyaangna tuama kuma'pa wéwéné lumébémai in upusna a Yaku, sia itu ka'i ra'ica patus mamuali tou-Ku.

Matius 12:47

Wo icua i esa tou ai Sia, “Tuang, si inang wo sé mepoow wo si Tuang ang kesot. Séra rumaméji e meta'up wo si Tuang.”

Matius 12:49

Wo icua i Yesus in tumuru' a sé murit-Na, “Si anioo si inang-Ku wo sé poo-poow-Ku.

Lukas 2:49

Taan aisowat-Na ai séra in tana'i, “Kéitu réén si amang wo si inang maéré-éré Yaku? Ra'ica réén kailekan i amang wo si inang sapaoka Aku musti am balé i Amang-Ku?”

Lukas 2:52

Wo si Yesus makawangkoo wo makaaweso ka'i eng kapinteran-Na. Sia icaupus i Amang Kasuruan wo icasalé' ka'i é tou.

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.