Matius 12:45 - En Taar Weru a nunuwu' é Tontemboan

⁴⁵ Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré. Taniitu ka'i e mamuali a sé tou léwo' anio'.”

Matius 12:45 ပူးပေါင်းရင်းမြစ်များ

Matius 12:24

Taan tutuw é tou Farisi luminga in itu, icua éra, “Sia mausér sé sétang mapaké ing kawasa i Beelzebul, si kikiiten é sétang.”

Matius 12:44

Wo werotenna, ‘Aweso taré aku maréng angé sumawel am balé si aitela'ukuo itu’. Wo sia ka'i maréng angé wo sérénna em balé itu ra'io wana tou, kina'isano wo tinu'tulo sumama-sama'.

Matius 17:21

Taan musti kailekan iow ka'i, si sétang tanu siitu ra'ica kawooan iow musér sa kamu ra'ica sumombayang wo muasa.]”

Matius 23:15

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Icamu imaya'o tayang lumangkoi in ta'sic wo ing katanaan asalo i maéré-éré si esa tou eng kumiit in sususuien in agama miow. Taan an tutuw i tou itu icumi- ito in sususuien in agama miow, niéma' miow sia mamuali tou si sumiwak muntep an api ra'ica mape'de-pe'del akar ing kauré-uré, wo eng kaléwo'na makarua lumepet wo ing kaléwo' miow.

Matius 23:24

Icamu sé kikiiten wola! Si réong an elepen iow pengatapisen iow, taan si onta an untepna pengalo'moten iow.

Markus 16:9

Asi endo kataré an duminggu itu i mamoondo keli tutuw i Yesus tumou sumawel, kataré-taré Sia mangé mapaturu' in owak-Na a si Maria tou Magdala. Si Yesus sumangkumo musér sé pitu sétang kumesot ai sia.

Markus 5:9

Wo wuéien i Yesus a si tou itu, “Sapa réén e ngaranmu?” Isowatna, “E ngaranku Legion, ampa'paan kami kelian.”

Lukas 11:26

Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré.”

Efesus 6:12

Ampa'paan kita merang ra'ica sumundur sé tou, taan en sundurenta itu sé maperénta, wo sé makakawasa wo sé kawasa ing kayo'baan si riréimbeng anio' wo sé roh léwo' an langit.

Ibrani 10:39

Kita anio' ra'ica sé tou sé tumela'uo si Casuruan wo patén, taan kita anio' sé tou maéman a si Casuruan wo sé makéré ing kalowiran.