Matius 12:44 - En Taar Weru a nunuwu' é Tontemboan

⁴⁴ Wo werotenna, ‘Aweso taré aku maréng angé sumawel am balé si aitela'ukuo itu’. Wo sia ka'i maréng angé wo sérénna em balé itu ra'io wana tou, kina'isano wo tinu'tulo sumama-sama'.

Matius 12:44 ပူးပေါင်းရင်းမြစ်များ

Matius 12:29

Kuma'pa tumambisa réén si esa tou ro'na muntep am balé i esa tou enté' e mandét ing kasiyaanna, sa ra'ica wa'kesenna owo si tou enté' itu? Pakawa'kesenna mio' sia wo ro'nao andétenna waya sé an untep im balé itu.

Matius 12:43

“Sa si roh léwo' kumesotai asi esa tou, sia mangé lumi'cir in tana' karuinsungan e mangéré paento'an. Taan ra'ica kinéréanna.

Matius 12:45

Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré. Taniitu ka'i e mamuali a sé tou léwo' anio'.”

Lukas 11:25

Tutuw sia maréng angé am balé itu, sérénna em balé itu kina'isano wo tinu'tulo sumama-sama'.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 13:27

Keterima i Yudas i roti itu, en aténa rinasuko i kikiiten é sétang. Icua i Yesus ai sia, “Sapa si casalé'mu émaan, kala'useno taré émaan.”

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.