Matius 12:39 - En Taar Weru a nunuwu' é Tontemboan

³⁹ Taan icua i Yesus ai séra, “Kamu tou léwo' wo ra'ica le'tek anio' mangilek a Yaku méma' in esa tuus. Sé tou tanu icamu ra'ica turu'an-Ku esa tuus aluar in tuus si mamuali a si nabi Yunus.

Matius 12:39 ပူးပေါင်းရင်းမြစ်များ

Matius 16:4

Sé tou léwo' wo ra'ica le'tek anio' mangilek esa tuus. Sé tou tanu icamu ra'ica turu'an-Ku in esa tuus aluar in tuus si mamuali a si nabi Yunus.” Wo itela'u i Yesus séra wo mangé.

Markus 8:12

Kelinga in itu, en até-Na matapé wo kumua, “Kéitu réén sé tou intarépé' anio' mangilek tuus? En ulitna icua-Ku mangé ai camu, sé tou anio' ra'ica kawisa wéan-Ku tuus.”

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.