Matius 12:35 - En Taar Weru a nunuwu' é Tontemboan

³⁵ Si tou sama', em ipanuwu'na andumoro' sé loor, ampa'paan sé pakaéma'na an até andumoro' sé loor. Taan si tou léwo' em ipanuwu'na andumoro' sé léwo', ampa'paan sé pakaéma'na an até andumoro' sé léwo'.

Matius 12:35 ပူးပေါင်းရင်းမြစ်များ

Matius 12:34

Éi camu sé taranak i ula' rumacu-racung, tumambisa kamu ro'na kumua sé andumoro' in loor sa kamu in esa léwo'. Ampa'paan sapa en aicua im ba'ba' lumembo an até owo.

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 7:17

Anaé en tuura loor mawua' loor, taan en tuura ra'ica loor mawua' ra'ica loor.

Lukas 6:45

Si tou sama' em ipanuwu'na asaloke' in andumoro' sé loor, ampa'paan an untep in aténa wuta in andumoro' sé loor. Taan si tou léwo' em ipanuwu'na asaloke' sé léwo', ampa'paan an untep in aténa wuta in andumoro' sé léwo'. Ampa'paan sapa sé ayéma' an aténa, siituo en lumembo mai am ba'ba'.”

Efesus 4:29

Tioo awéan nunuwu' sé ra'ica loor kumesot am ba'ba' miow. Taan manuwu'o mangé i nunuwu' sé loor eng kumeter in até é tou walina an tutuw im paperlun éra. E nunuwu' tanu siitu méé oka ing kamang a sé tou sé mengalinga in itu.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

Kolose 4:6

Wo rumaméjio mangé memaké-maké sé nunuwu' e méma' in até é tou arui wo manam palingan. Wo in taniitu kailekan iow tumambisa en sumowat ang karapi im butul sé wuwuéien é tou.