Matius 12:32 - En Taar Weru a nunuwu' é Tontemboan

³² Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 12:32 ပူးပေါင်းရင်းမြစ်များ

Matius 11:19

Wo mai si Toyaang i Tou, Sia makan wo maelep, wo pakua é tou, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’ Taan eng kapinteran asi Amang Kasuruan owo kaséréan oka a sé tou sé mengaéma' in sususuien wutul itu.”

Matius 12:31

Ampa'paan in itu icua-Ku ai camu, pakasa eng kamesé-meséaan wo en ojat é tou makéré oka kaampungan, taan séi si maojat si Roh Le'nas, ra'ica kawisa kaampungan.

Matius 12:8

Ampa'paan si Toyaang i Tou awéan kawasa en tumu'tul im baya-waya icauntep in atoran in endo Sabat.”

Matius 13:22

En lulumbo sé rumongkor an unér in dukut tutunéan en itu meputé wo sé tou ilumingao in taar, taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan. Pakasa en itu méma' iséra ra'ica iméé rékén asi taar itu akar ra'ica imua'.

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 13:40

Anaé, kaputé ing kuung itu niumung wo tunun an api, taniituo ka'i e mamuali asi endo kaka'puan ing kayo'baan.

Matius 13:55

Ra'ica réén Sia itu toyaang i bas ing kayu? Ra'ica réén si inang-Na si Maria wo sé mepoow wo Sia si Yakobus, si Yusuf, si Simon wo si Yudas?

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Markus 10:30

si tou itu, an jaman anio'ke' makéré oka sumawel sangaatus lumepet: walé, kapetuari tuama kuma'pa wéwéné, inang, toyaang wo uma, mandé ka'i meta'up in okoi, wo an jaman mengangai kéréanna oka eng katouan akar ing kauré-uré.

Markus 3:28

En ulitna icua-Ku mangé ai camu, pakasa eng kamesé-meséaan wo en ojat sapake' mangé sé ipakua é toya-toyaang i tou ro'napé' kaampungan.

Markus 3:29

Taan si séike' mangé e mengaojat si Roh Le'nas, sia ra'io kaampungan akar ing kauré-uré, ampa'paan sia iméma'o ing kamesé-meséaan akar ing kauré-uré.”

Lukas 12:10

Sa si tou manuwu' sapake' sé masundur si Toyaang i Tou, sia ro'napé' kaampungan, taan si séike' sé manuwu' sapake' sé maojat si Roh Le'nas, sia ra'io kaampungan.

Lukas 16:8

Wo si tou mengaurus in doit péngkor en até itu iparayo i tuangna ampa'paan sia pandéi maéré-éré lalan torona ing kalooranna in esa. Mémang wutul, sé tou makiit ing kasalé'an ing kayo'baan, séra en lébé pandéi maéré-éré lalan torona ing kalooran éra in esa wotaré sé tou makiit ing kasalé'an i Amang Kasuruan.

Lukas 18:30

si tou itu tumerima oka in laasa si lumepe-lepet asi Amang Kasuruan owo asi oras ya'sa. Wo asi endo mengangai, sia makéré oka ing katouan akar ing kauré-uré.”

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Lukas 7:34

Wo mai si Toyaang i Tou, Sia makan wo maelep, wo ipakua miow, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’

Yohanes 7:12

Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

Yohanes 7:39

An tutuw i Yesus kumua andumoro' in dano itu, eng kaangéanna e Roh i Amang Kasuruan teriman oka é tou maéman. Taan e Roh itu ra'ipé' aiwéé a sé tou maéman, ampa'paan em papaté ra'ipé' pinendam i Yesus wo ra'ipé' niangkai angé an tampa-Na si parayo-rayo wo pasiri-siriin an sorga.

Yohanes 7:52

Isowat éra ai sia, “Tou Galilea réén ka'i ko? Ti'tireno mangé sé ang Kitap Le'nas wo kakailekanmu oka, ra'ica wana nabi si mai ang Galilea owo.” [

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Efesus 1:21

A mangé mbitu si Kristus merénta ang karapi ing kawasa si rumangka'mai asé im pakasa ing kawasa é maperénta, sé makakawasa, wo eng kakawasaan, eng kakolanoan wo pakasa i ngaran sé ro'na icua asi témpo ya'sa wo ka'i asi témpo maai oka sa.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

1 Timotius 1:15

Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.

1 Timotius 4:8

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Titus 2:12

Wo en upus aitambér-Na itu ka'i en sumusui ai cita wosama' tioo menonou ra'ica maindé' a si Casuruan wo tioo makiit ing kasalé'an ing kayo'baan. En upus aitambér-Na itu isumusui ai cita e makawoo tumang in owak, menonou ra'ica marapit wo maapo' kumiit ing kasalé'an-Na ang kayo'baan ya'sa.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.