Matius 12:29 - En Taar Weru a nunuwu' é Tontemboan

²⁹ Kuma'pa tumambisa réén si esa tou ro'na muntep am balé i esa tou enté' e mandét ing kasiyaanna, sa ra'ica wa'kesenna owo si tou enté' itu? Pakawa'kesenna mio' sia wo ro'nao andétenna waya sé an untep im balé itu.

Matius 12:29 ပူးပေါင်းရင်းမြစ်များ

Matius 12:28

Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Matius 12:30

Si séi si ra'ica kiim mewali-wali wo Yaku, sia masundur Yaku. Wo si séi si ra'ica kiim sumémbong lumi'us sé tou mai a Yaku, niéma'nao sé tou icatané-tané.

Markus 3:27

Taan ra'ica wana mandé esake' tou e ro'na muntep am balé i tou enté' e mandét ing kasiyaanna, sa ra'ica wa'kesenna owo si tou enté' itu. Kekawus in itu ro'nao andétenna waya eng kasiyaan sé an untep im balé itu.

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.