Matius 12:28 - En Taar Weru a nunuwu' é Tontemboan

²⁸ Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Matius 12:28 ပူးပေါင်းရင်းမြစ်များ

Matius 12:18

“Séréno, si anioo si Ata-Ku si sinisir-Ku, si caupus-Ku, Sia itu mengaarui in até-Ku. Iwéé-Ku oka e Roh-Ku ai Sia, wo Sia oka eng kumua sapaoka si Amang Kasuruan maai oka makim sé bangsa ra'ica tou Yahudi ang karapi ra'ica mengarapit.

Matius 12:29

Kuma'pa tumambisa réén si esa tou ro'na muntep am balé i esa tou enté' e mandét ing kasiyaanna, sa ra'ica wa'kesenna owo si tou enté' itu? Pakawa'kesenna mio' sia wo ro'nao andétenna waya sé an untep im balé itu.

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Matius 21:43

Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 6:33

Anaé, pangérén owo eng Kakolanoan i Amang Kasuruan wo eng kasalé'an-Na, wo pakasa em paperlun iow itu yawes-Na oka ai camu.

Markus 1:15

Wo icua-Na, “En témpona imalekepo, eng Kakolanoan i Amang Kasuruan makatawio. Anaé, mape'diso wo émanenno mangé en Abar Kaaruien i Amang Kasuruan.”

Markus 11:10

Pakakamangen Sia si mai kumawasa tanu kolano meputé si apo'ta Daud. Hosana! Irayoo si Casuruan an tampa Rumangka-Rangka'!”

Markus 16:17

Sia'io en tuusna sé tou maéman a Yaku: Séra musér oka sé sétang maké i ngaran-Ku, rumoma' oka maké i nunuwu' walina si ra'ipé' sumangkum ako kailekan éra.

Lukas 10:11

‘Tangkar ami en awu ing kota miow anio' sé makaléngkét ang kécéi ami, en itu mamuali tata'néi sapaoka kamu oka in esa e mamuléng in ukuman iow. Taan musti kailekan iow en anio': uli-ulit matawio en témpo si Amang Kasuruan mai Kumawasa tanu Kolano a sé tou-Na.’

Lukas 11:20

Taan sa Aku musér si sétang maké ing kawasa i Amang Kasuruan, en ulitna si Amang Kasuruan Kumawasao tanu Kolano an uner iow.

Lukas 16:16

Eng kitap-kitap sé aipatic i Musa wo eng kitap-kitap sé aipatic é nabi walina, tatap pengapakéné' akar an jaman i Yohanes Mabaptis menonoué'. Wo tumo'tolai an jaman itu en Abar Kaaruien andumoro' ing Kakolanoan i Amang Kasuruan tumo'tolo ipakua-kua wo sé tou uli-ulit rumaméji mamuali tou-Na ang Kakolanoan-Na.

Lukas 9:2

Kumawus angé in itu, yutus-Na séra mangé kumua in abar andumoro' i Amang Kasuruan Kumawasa tanu Kolano wo ka'i sumama' sé tou sumakit.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Kolose 1:13

Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.

Ibrani 12:28

Anaé, kita mamualio tou ang kakolanoan si ra'ica toro yéro', ampa'paano in itu mayoo kita kumua makapulu'sama' a si Amang Kasuruan, wo maapo' mangé ai Sia ang karapi in siri' wo wuta ing kaindé'an iciit en casalé'-Na.

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.