Matius 12:16 - En Taar Weru a nunuwu' é Tontemboan

¹⁶ Wo pinéro-Na séra eng kumua andumoro' Sia,

Matius 12:16 ပူးပေါင်းရင်းမြစ်များ

Matius 12:17

wosama' malekep en taar si aicua i nabi Yesaya,

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 8:4

Wo icua i Yesus ai sia, “Ta'néieno mangé, tioo icuamu en anio' a si séike' mangé, taan mangéo ipapaturu' en owakmu a si imam wo mééo mio' raragés binatang pinokol tanu si aiperénta i Musa, en itu tanu tuus ai séra.”

Matius 9:30

Asi témpo ituke' séra ro'nao maséré. Wo ang kerapi in depet ilupu-Na ai séra, “Tioo ipakua-kua a si séike' mangé tumambisa em beren iow ro'na maséré.”

Markus 3:7

Si Yesus wo sé murit-Na tumela'u in tampa itu wo mangé an lour Galilea. Sé tou keli makii-kiit Sia, séra ra'ica asaloke' ang Galilea owo, taan ka'i an Yudea owo,

Markus 7:36

Aitaar i Yesus ai séra wosama' ra'ica ipepaar éra a si séiké' mangé eng kamamualian itu. Taan mandé séra peméro-méronen-Na, makaaweske' taré pengua-ngua éra.