Matius 12:15 - En Taar Weru a nunuwu' é Tontemboan

¹⁵ Kailekan i Yesus em pinepaar éra, ampa'paan in itu itela'u- Na en tampa itu. Taan keli en tou sé makii-kiit Sia wo séra im baya sinama'Na.

Matius 12:15 ပူးပေါင်းရင်းမြစ်များ

Matius 10:23

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Matius 19:2

Kelian sé tou makiit Sia, wo sé tou sumakit an uner éra sinama'-Na.

Markus 6:56

Am bisake' en angéan i Yesus, an doo-roong kuma'pa ang kota-kota, mangé iweta' éra sé tou sumakit am pasar wo mekiupus ai Sia, sa woo ro'na séra mandé asaloke' misu' in tempok in juba-Na. Pakasa sé tou sé misu' Sia masama'.

Lukas 5:22

Taan kailekan i Yesus em pawero-weroten éra. Wo icua-Na ai séra, “Sapa réén em pemero-meroten iow an untep in até?

Lukas 6:12

Asi makasa, si Yesus mangé an esa tolaina en sumombayang. Am bitu Sia sangawengi menomba-nombayang a si Amang Kasuruan.

Lukas 9:11

Taan kinailekanke' é tou keli en tampa siningkiran angé i Yesus wo sé murit-Na wo sé tou itu mangé kumiit i Sia. Wo teriman i Yesus sé tou keli itu wo icua-Na ai séra andumoro' i Amang Kasuruan kumawasa tanu kolano wo ka'i sumama' sé tou sumakit.

Yohanes 11:54

Ampa'paan in itu, si Yesus ra'io mapaturu-turu' ka'i a sé tou keli an uner é tou Yahudi. Itela'u-Na en Yerusalem wo Sia mangé ang kota makangaran Efraim si menduruan wo en tana' kapayasan. Sia mento' am bitu mewali-wali wo sé murit-Na.

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Yohanes 9:4

Ang karoro'an in endopé' musti émaanta en tawoien si aiwéé i Amang Kasuruan si mutusai Yaku. Sa imawengio, ra'io ka'i wana esaan tou e ro'na tumawoi.

Galatia 6:9

Anaé, tioo kita mengasuut mengéma-ngéma' sé loor. Sa imayo en témpona, kéréanta oka em buéna sa kita ra'ica mengasuut mengaéma' sé loor.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.