Matius 12:14 - En Taar Weru a nunuwu' é Tontemboan

¹⁴ Wo sé tou Farisi itu kumesot am balé paapo'an, séra mepaar tumambisa e maté si Yesus.

Matius 12:14 ပူးပေါင်းရင်းမြစ်များ

Matius 26:4

Séra mepaar wo mawasa en tumangka' si Yesus ang karapi i maene-enep e maté Sia.

Matius 27:1

Matawio i mando pakasa sé kikiiten é imam wo sé matu'a é tou Yahudi mali'us e meesa an léwo' e maté si Yesus.

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.

Markus 3:6

An tutuw ituke', sé tou Farisi kumesot am balé paapo'an. Séra makala'us mangé e mepaar wo sé tou makii-kiit si Herodes en tumambisa maté si Yesus.

Lukas 22:2

Sé kikiiten é imam wo sé makailek wutul in Torat maéré-éré lalan tumambisa e maté si Yesus, ampa'paan séra maindé' a sé tou keli.

Lukas 6:11

An tutuw é guru agama Yahudi wo sé tou Farisi itu suméré sapa e niéma' i Yesus, séra mae'bow keli. Wo séra mepaar sapa en émaan éra sa a si Yesus.

Yohanes 10:31

An tutuw é tou Yahudi luminga si Yesus icumua in taniitu, séra mitong ka'i watu em basa éra mangkil woo Sia.

Yohanes 10:39

Kekawus i Yesus kumua in taniitu, séra rumaméji ka'i en tumangka' Sia, taan Sia aicaséipke' en tangkaan éra.

Yohanes 11:53

Tumo'tol asi endo itu sé kikiiten é agama Yahudi meesa en até e maté si Yesus.

Yohanes 11:57

Séra mengkung-kuanan taniitu, ampa'paan sé kikiiten é imam wo sé tou Farisi imééo perénta sa awéan tou e makailek am bisa si Yesus, mai cua ai séra wosama' Sia ro'na tangkaan éra.

Yohanes 5:18

Sé nunuwu' itu méma' sé kikiiten é Yahudi lébé rumaméji e maté Sia, ra'icake' ampa'paan Sia ra'ica kumiit in atoran in endo Sabat, taan ka'i ampa'paan Sia icumua sa si Amang Kasuruan itu Amang-Na in esa, wo in taniitu pengapeputé-Na en owak-Na wo si Amang Kasuruan.

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 7:32

Kalingaan é tou Farisi, keli tou mengkeng-kewitan andumoro' si Yesus. Ampa'paan in ituo, iru'du' é kikiiten é imam wo sé tou Farisi sé matéir am Balé Le'nas en tumangka' si Yesus.

Yohanes 7:44

Piraan tou ai séra masalé' tumangka' Sia, taan ra'ica wana mandé esaan tou ka'i e ro'na méma' in sapa-sapa ai Sia.

Yohanes 8:59

An tutuw é tou Yahudi luminga en aicua i Yesus itu, séra mitong watu e mangkil Sia, taan si Yesus ra'io ka'i kaséréanai wo itela'u-Na em Balé Le'nas.