Matius 11:5 - En Taar Weru a nunuwu' é Tontemboan

⁵ Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 11:5 ပူးပေါင်းရင်းမြစ်များ

Matius 10:8

Samaano mangé sé tou sumakit, toueno sé tou imatéo, samaano mangé sé tou kusta wo yuséro sé sétang asé tou. Tinerimao miow waya en itu si asaloke' aitambér, ampa'paan in itu itambéro ka'i mangé en itu a sé tou walina.

Matius 11:4

Wo isowat i Yesus ai séra, “Maréngo mangé kamu a si Yohanes Mabaptis wo icuao mio' ai sia sapa sé liningao wo sé sinéréo miow:

Matius 12:13

Wo icua i Yesus a si tou itu, “Yuluro mai eng kamamu!” Wo yulurna eng kamana, wo asi témpo ituke' imasama'o eng kamana itu puté wo si kamana esa.

Matius 21:14

Kumawus in itu, sé tou wola wo sé tou kénto' mai ai Sia ang kintal im Balé Le'nas, wo séra sinama'-Na.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Matius 9:30

Asi témpo ituke' séra ro'nao maséré. Wo ang kerapi in depet ilupu-Na ai séra, “Tioo ipakua-kua a si séike' mangé tumambisa em beren iow ro'na maséré.”

Markus 7:37

Séra wutu-wutul mangaya'ka' wo kumua, “Niéma'-Na waya maloor, si wengel niéma'-Na malinga wo si wowo' niéma'-Na maroma'.”

Markus 9:25

An tutuw sérén i Yesus kelio sé tou mai mali'us am bitu, romaan-Na repet si roh léwo' itu. Icua-Na, “Éi roh léwo' si méma'o si tou imawowo' wo imawengel. Peréntan-Ku ko, kumesot asi toyaang anio' wo ra'io toro ka'i rumasuk sia!”

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Yohanes 10:25

Isowat i Yesus ai séra, “Aicua-Kuo ai camu, taan ra'ica percayan iow. Sé tawoien niéma'-Ku ang karapi i ngaran i Amang-Ku, siituo eng kasairian andumoro' Yaku.

Yohanes 10:38

Taan sa Aku mengaéma' in tawoien itu, mandé ka'i ra'ica kiim iow mercaya Yaku, percayano mio' en tawo-tawoien sé niéma'-Ku itu mai asi Amang-Ku owo. Wo in taniitu, kaangéan iow oka sa si Amang meesa wo Yaku wo Yaku meesa wo si Amang.”

Yohanes 2:23

Wo ang karoro'an i Yesus an Yerusalem ang kauréke' in endo wangko' Paska, keli tou maéman ai Sia ampa'paan séra isuméréo in tuu-tuus kakaya'kaan sé niéma'-Na.

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Yohanes 9:7

Wo icua-Na a si tou wola itu, “Mangéo, minamo ko ang kolam Siloam.” (Siloam itu eng kaangéanna, ayutus). Kelinga i tou wola itu sia mangé minamo ang kolam itu. Wo tutuwna maréng angé am baléna, sia ro'nao maséré.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.