Matius 11:26 - En Taar Weru a nunuwu' é Tontemboan

²⁶ O Amang, siituo e iméma' in até i Amang arui.”

Matius 11:26 ပူးပေါင်းရင်းမြစ်များ

Lukas 10:21

Asi témpo itu si Yesus winuta i Roh Le'nas wo en até-Na maaru-arui. Wo icua-Na, “O Amang Kasuruan si Makakawasa in tana' wo en langit, Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé maanggap in owak éra pinter wo makailek im baya-waya. Taan aituru' i Amang andumoro' in itu a sé tou wawa'. Wo siituo e iméma' in até i Amang arui.

Lukas 22:42

“O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, mandéo kasalé'anke' i Amang e mamuali.” [

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Yohanes 11:41

Wo angkaien éra em batu itu. Wo si Yesus kumanat angé wo kumua, “Amang, Yaku kumua makapulu'sama' a si Amang, ampa'paan liningao i Amang en sombayang-Ku.

Yohanes 12:27

Icua ka'i i Yesus, “Wendu keli Aku. Ra'io kailekan-Ku sapa si musti icua-Ku. O Amang, tawangenai wo émaano mai Aku ra'ica mendam in oras ing kasusaan anio'. Taan Aku ra'ica toro mekiupus tanu siitu, ampa'paano i mendam ing kawenduan anio' Aku mai ang kayo'baan anio'.

Yohanes 12:28

O Amang, ituru'o mai a sé tou eng kawangko' ing kawasa-Mu.” Wo kalingaan en suara an sorga owo, “Aituru'-Kuo eng kawangko' ing kawasa-Ku wo ituru'-Ku oka ka'i sumawel eng kawangko' ing kawasa-Ku itu.”

Roma 9:18

Anaé, si Amang Kasuruan itumuru' ing kaupusan a si séike' sé icasalé'-Na, wo Sia ka'i méma' sé tou mamuali keté ro'kos a si séike' sé icasalé'-Na.

Efesus 1:11

Si Amang Kasuruan en tumu'tul im baya-waya kumiit ing kasalé'an wo im pinusé'-Na in esa. Wo ra'ipé' niéma'-Na eng kayo'baan kita sinisir-Nao, wosama' ro'na terimanta sapa sé aijanji-Nao iwéé ai cita ampa'paan kita imeesao ang karapi i Kristus.

Efesus 1:9

Intarépé' em pawasa-wasan itu aicua-Nao ai cita kumiit ing kasalé'an-Na, siituo si pawasan indior si pakaenepé' a sé tou. Wo em pawasa-wasan-Na itu pinusé'-Nao lekepen oka i Kristus.

Efesus 3:11

En itu niéma' i Amang Kasuruan kumiit si pinawasa-Nao tumo'tolke' mai indior. Wo si Kristus Yesus Apo'ta en lumekep im basa-Na itu.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.