Matius 11:21 - En Taar Weru a nunuwu' é Tontemboan

²¹ “Icawangkuro mio' kamu sé tou ang kota Khorazim! Wo icawangkuro ka'i kamu sé tou ang kota Betsaida! Ampa'paan niéma'-Kuo eng kakaya'kaan an uner iow taan ra'ica pinercaya miow wo ra'ica mape'dis. Sa sé kakaya'kaan itu niéma'-Ku an Tirus wo an Sidon indior, tantu séra imape'diso wo kumarai ing karai tanu tuus mala'lu wo mu'bur in awu an do'kos éra tanu tuus séra manesel mengéma-ngéma' ing kamesé-meséaan.

Matius 11:21 ပူးပေါင်းရင်းမြစ်များ

Matius 11:22

Taan icua-Ku mangé ai camu, a si endo kaka'puan ing kayo'baan, en ukuman iow lébé uter wo in ukuman é tou ang kota Tirus wo en Sidon.

Matius 15:21

Si Yesus kumesot am bitu wo sumingkir an sangkum in Tirus wo in Sidon.

Matius 18:7

Icawangkuro eng kayo'baan ampa'paan kelian sé maéma' sé tou mengaéma' ing kamesé-meséaan. Mémang andumoro' in itu tantu awéan, taan icawangkuro si tou imakawali sé tou walina meséa'!

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Markus 3:8

an Yerusalem owo, an Idumea owo, an lewet in doyongan Yordan, wo an li'cir ing kota Tirus wo in Sidon. Séra mai a si Yesus, ampa'paan liningao éra pakasa sé niéma'-Na.

Markus 6:45

Kekawus in itu, makala'us iru'du' i Yesus sé murit-Na sumaké an londéi e rumior angé an lewet in lour an doong Betsaida. Ang karoro'an in itu ru'du'-Na sé tou keli itu maréng.

Markus 7:24

Wo itela'u i Yesus en tampa itu wo mangé an sangkum in Tirus. Icateka' mangé am bitu Sia muntep an esa walé, wo ra'ica kiim-Na esaanke' tou e makailek sa Sia am bitu. Taan eng keai-Na am bitu kinailekanke' é tou.

Markus 7:31

Wo itela'u i Yesus ka'i en sangkum in Tirus wo kumiit in Sidon e mangé an Lour Galilea, lumangkoi an sangkum in Dekapolis.

Markus 8:22

Kekawus in itu, si Yesus wo sé murit-Na icateka'o an doong Betsaida. Wo paalinai é tou si esa tou wola a si Yesus wo séra mekiupus ai Sia, wosama' isuun-Na si tou itu.

Lukas 4:26

Mandé ka'i in taniitu, si Elia ra'ica airu'du' mangé a si esaan asé wéwéné balu an tana' Israel, taan sia asalo airu'du' mangé a si esa wéwéné balu ra'ica tou Israel si maento' ang kota Sarfat, an tana' Sidon si kota ang kesot in tana' Israel.

Lukas 6:17

Kumawus in itu, si Yesus wo sé sangapulu' rua murit-Na mewali-wali merosio' in tolaina wo séra mento' an esa ataran. Am bitu imali'uso sé tou keli makii-kiit Sia wo kelian ka'i sé tou walina imai an Yudea owo, ang kota Yerusalem owo wo asé rua kota an tembir in ta'sic makangaran Tirus wo in Sidon.

Lukas 9:10

An tutuw sé murit ayutus i Yesus imaréngo mai sumawel wo isisil éra ai Sia pakasa sé tinawoio éra. Wo uwasen i Yesus séra sumingkir mewali-wali mangé an esa kota makangaran im Betsaida akar séra oka in esa.

Yohanes 1:44

Si Filipus tou ing kota Betsaida, si kota i Andreas wo si Petrus.

Yohanes 12:21

Sé tou Yunani itu imangé a si Filipus tou Betsaida an sangkum ing Galilea, wo icua éra ai sia, “Tuang, icasalé' ami woo meta'up wo si Yesus.”

Kisah Para Rasul 12:20

Sé tou Tirus wo sé tou Sidon mengateles kakanen a sé tou an sangkum ing kakawasaan i Herodes. Taan asi témpo itu, si Herodes mae'bow keli a sé tou Tirus wo Sidon. Ampa'paan in ituo, séra meesa e mangé meta'up wo sia. Wo awéan esa tou maurus an istana i Herodes, makangaran Blastus, sia lepéien éra, e mekitawang wosama' si Herodes ro'na meeluran wo iséra. Émaan éra taniitu wosama' séra ro'na menele-neles kakanen an sangkum ing kakawasaan i Herodes.

Kisah Para Rasul 27:3

Mando mai, kami tumuli an Sidon. Si Yulius sama' keli a si Paulus, wéanna kaloasan sia mangé a sé kara-karapina wosama' séra ro'na tumu'tul ing kaperluanna.

Yudas 1:11

Icawangkuro mio' séra! Ampa'paan séra kumiito in lalan si suméa' meputé wo in lalan si kiniit i Kain. Séra ka'i mengaéma' ing kamesé-meséaan tanu si Bileam imengaéma' ing kamesé-meséaan si masalé-salé'ke' makéré roit. Wo séra patén ampa'paan masundur si Casuruan kaputé i Korah.

Wahyu 11:3

Wéan-Ku oka kawasa a sé rua sairi-Ku e mangé kumua i nunuwuun-Ku ang karapi ing kumarai ing karai mala'lu eng kauréna sangariwu rua ngaatus enem ngapulu' ngando.”

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.