Matius 11:18 - En Taar Weru a nunuwu' é Tontemboan

¹⁸ An tutuw i Yohanes imai, sia ra'ica mengakan wo ra'ica mengaelep, wo ipakua éra, ‘Sia rinasuk i sétang!’

Matius 11:18 ပူးပေါင်းရင်းမြစ်များ

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 11:17

‘Pasengon ami em peloit torona miow, taan ra'ica kiim iow maéngké. Pakantar ami eng kakantaren mala'lu, taan ra'ica kiim iow maamé'.’

Matius 3:4

Si Yohanes mapaké in juba niéma' am buuk i onta owo, em bengkalna niéma' ang kulit i binatang owo. Eng kakanenna komong wo wiluk é lampéran in talun.

Matius 9:34

Taan ipakua é tou Farisi, “Si kikiiten é sétang e méé ing kawasa ai Sia e musér sé sétang.”

Markus 3:22

Sé makailek wutul in Torat sé imai an Yerusalem owo kumua ka'i, “Sia rinasuko i Beelzebul! Sia musér sé sétang mengapaké ing kawasa i kikiiten é sétang anio'.”

Lukas 1:15

Sia mamuali oka tou wangko' an dior i Amang Kasuruan. Ang kauréna menonou ra'ica kawisa melep in anggor kuma'pa melep in elepen mengalangu. Sia kawasan oka i Roh Le'nas tumo'tolke' mai sia am poot i inangna.

Yohanes 10:20

“Sia rinasuko i sétang wo imanganga'o! Kéitu réén lingan iow Sia?”

Yohanes 7:20

Isowat é tou keli itu a si Yesus, “Ico rinasuko i sétang akar imanganga'. Ra'ica wana tou en rumaméji e maté Ico!”

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

Kisah Para Rasul 26:24

Ang karoro'an i Paulus mabéla in owakna, wo positen i Festus i rumoma' ang kerapi in depet, “Ra'io lekep ko é Paulus! Ico keliano eng kailekan, akar em ipakawerotmu ra'io wutul.”

1 Korintus 9:27

Pelati-latinku wo kawasanku pakasa en owakku eng kumiit ing kasalé'an i Casuruan. Yaku méma' tanu siitu, wosama' aku ra'ica kaputé wo sé tou aicélong i Amang Kasuruan, taan aku makéré laasa kumawusai aku makua in Abar Kaaruien andumoro' i Yesus Kristus a sé tou.