Matius 11:14 - En Taar Weru a nunuwu' é Tontemboan

¹⁴ Aicuao é nabi indior sa si Elia maai oka sumawel ang kayo'baan anio'. Wo sa icasalé' iow mercaya en aicua é nabi itu, si Yohanes ituo si Elia si maai oka.

Matius 11:14 ပူးပေါင်းရင်းမြစ်များ

Matius 11:13

Ampa'paan pakasa nabi wo ing kitap-kitap i Musa icumuao i nunuwu' i Amang Kasuruan andumoro' sé mamuali akar si Yohanes maai.

Lukas 1:17

Wo isia en dior maai wo si Casuruan en tumu'tul in lalan em paaian i Casuruan. Em perina wo eng kawasana sa, meputé wo si nabi Elia indior. Wo sia maai e méma' sé ama-amang meeluran wo sé toyaang éra wo sé tou ra'ica le'tek a si Casuruan maréng sumawel maéma' im butul an dior i Casuruan. Tanu siituo si Yohanes tumu'tul in até é tou en sumungkul si Casuruan maai.”

Yohanes 16:12

Keliané' woo sé icasalé'-Ku icua ai camu, taan intarépé' ra'ipé' kawooan iow in tumerima.

1 Korintus 3:2

Indior kamu pawéanku susu ra'ica kakanen keté, ampa'paan kamu ra'ipé' makawoo tumerima in itu. Wo akar intarépé' ka'i kamu ra'ipé' makawoo tumerima ing kakanen keté itu,

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.