Matius 10:42 - En Taar Weru a nunuwu' é Tontemboan

⁴² Si séike' e méé elepen, mandé wayake' in sanga gelas rano uting a si esa tou wawa' anio' ampa'paan sia mengakiit Yaku, en ulitna icua-Ku mangé ai camu, sia ra'ica kawisa katalaan in laasana.”

Matius 10:42 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 18:14

Taniitu ka'i wo si Amang iow an sorga, ra'ica icasalé'-Na sa esaan asé toya-toyaang teké' anio' icatala ai Sia.”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Lukas 17:2

Sa si tou itu tumawér esaan asé tou sé ra'ipé' keter em paémanen anio' akar méma' ing kamesé-meséaan, aweso taré eng kolot i tou itu wa'kesan im batu wangker wo mangé iwangkil an ta'sic.

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.