Matius 10:41 - En Taar Weru a nunuwu' é Tontemboan

⁴¹ Si séike' en sumungkul si esa nabi ampa'paan sia nabi, terimanna oka en laasa nabi. Wo si séike' en sumungkul si tou sama' ampa'paan sia itu sama', terimanna oka en laasa tanu tou sama'.

Matius 10:41 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 25:44

Wo isowat éra oka ai Sia in tana'i, ‘Kawisao réén sérén ami si Tuang maarem kuma'pa maré'om kuma'pa tanu sakéi an doong ami kuma'pa ra'ica mekarai kuma'pa sumakit kuma'pa an untep im bui wo ra'ica mai ami sérén?’

Matius 25:45

Isowat-Na oka ai séra in tana'i, ‘En ulitna icua-Ku mangé ai camu, an tutuw iow ra'ica itumawang esaan asé poo-poow-Ku si ipawawa-wawa', en itu meputé kamu ra'ica itumawang Yaku.

Matius 6:1

“Ta'néieno mangé, tioo paémaan iow en atoran in agama an dior é tou wosama' sérén éra wo irayo éra kamu, ampa'paan sa kamu maéma' tanu siitu, ra'ica kéréan iow en laasa i Amang iow an sorga.

Matius 6:18

wosama' ra'ica kailekan é tou sapaoka kamu ang karoro'an imapuasa, taan wayake' si Amang iow si an tampa ra'ica kaséréan e makailek. Wo si Amang iow si makaséré mai sé caenep, suliin-Na oka mai sapa e niéma' miow itu.”

Matius 6:4

Anaé, en aiwéé miow itu iwééo mangé i maene-enep, wo in taniitu si Amang iow si makaséré mai sé icaenep, suli'an-Na oka ai camu sapa si niéma' miow itu.”

Matius 6:6

Taan sa kamu sumombayang, muntepo ang kamar iow, palenano em papalen wo sumombayango mangé a si Amang iow si an tampa caenep. Wo in taniitu, si Amang iow si makaséré mai sé caenep, suli'an-Na oka sapa e niéma' miow itu.

Matius 7:8

Ampa'paan susur en tou i mangilek tumerima oka, wo susur in tou i mangéré makéré oka, wo susur in tou en tuméngkor im papalen wukaan oka.

Kisah Para Rasul 16:15

Kekawus i Lidia wo sé am pamaléna nibaptis, icuana in tana'i ai cami, “Sa percayan iow aku anio' wutu-wutul maémano a si Casuruan, mayo lumosér am baléku.” Pelepé-lepéienna, akar kiniitan ami eng kasalé'anna en lumosér am baléna.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

1 Korintus 9:17

Wo sa émaanku en tawoien makua in Abar Kaaruien andumoro' i Yesus Kristus asalo ampa'paan ing kasalé'anku in esa, yaku patus makéré laasa. Taan aku makua in Abar Kaaruien itu ampa'paan en itu musti émaan. Si Amang Kasuruan e méé in tawoien en émaanku.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

2 Yohanes 1:8

Téiran iow sumama-sama' em paémanen si aisusuio ami wosama' ra'ica icatala. Wo in taniitu ro'na kéréan iow waya en laasa miow.