Matius 10:32 - En Taar Weru a nunuwu' é Tontemboan

³² Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga.

Matius 10:32 ပူးပေါင်းရင်းမြစ်များ

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Yohanes 9:22

Sé matu'ana icumua in taniitu, ampa'paan icaindé' éra sé kikiiten é tou Yahudi itu. Ampa'paan sé kikiiten é tou Yahudi imeesao, si séike' e mangaku si Yesus itu Mesias, séra itu ra'io toro muntep am balé paapo'an é agama Yahudi.

2 Timotius 1:8

Anaé, ico ra'ica toro malawi' masairi in andumoro' i Apo'ta Yesus. Ico ka'i ra'ica toro malawi' mangaku sa aku karapimu ampa'paan aku intarépé' am bui. Yaku am bui ampa'paan maselewir a si Yesus Kristus. Ico ka'i musti sumangkum in okoi tanu yaku ampa'paan mengakua in Abar Kaaruien andumoro' i Yesus Kristus. An tutuw ko sumangkum in okoi, tantu si Amang Kasuruan méé mai kaketeran ai co.

1 Yohanes 4:15

Si séi e mangaku sa si Yesus itu Toyaang i Amang Kasuruan, si Amang Kasuruan kasake' meesa wo isia wo sia ka'i esa wo si Amang Kasuruan.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.