Matius 10:23 - En Taar Weru a nunuwu' é Tontemboan

²³ Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Matius 10:23 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

Matius 2:13

Kewaréng angé é tou majus itu, mapaturu' mai si malaékat i Amang Kasuruan am pangipi i Yusuf wo kumua, “Tumooro, indono si Toyaang itu ang karapi i inang-Na, sumingkiro mangé a Mesir wo mentoo a mangé mbitu akar Aku numuwu' ka'i ai co. Ampa'paan pangérén oka i Herodes si Toyaang itu e maté Sia.”

Matius 23:34

Ampa'paan in ituo yutus-Ku oka mai ai camu sé nabi, sé tou pandéi wo sé makailek wutul in Torat. Taan awéan ai séra itu patén iow oka wo sé walina isalip iow. Sé walina ka'i okoien iow oka am balé-walé paapo'an iow wo awéan ka'i sé paangi-angiten iow asi kota esa akar asi kota walina.

Matius 23:36

En ulitna icua-Ku mangé ai camu, pakasa sé andumoro' ing kaléwo'an itu pamuléngen oka é tou menonou intarépé'.”

Matius 24:27

Ampa'paan an tutuw si Toyaang i Tou maai sumawel ang kayo'baan, Sia kaséréan tanuoka ing kilat si tumélang tumo'tol an tempok ico akar an tempok ako.

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 24:34

En ulitna icua-Ku mangé ai camu, sé tou menonou intarépé', ra'ipé' maté sa em pakasa en anio ra'ipé' mamuali.

Matius 24:48

Taan sa si ata itu léwo', wo kumua an aténa in tana'i,

Matius 25:13

“Ampa'paano in itu kamu matéi-téiro mangé, ampa'paan ra'- ica kailekan iow en endo wo en orasna si Toyaang i Tou maai sumawel.”

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Matius 4:12

Kelinga i Yesus sapaoka si Yohanes Mabaptis tinangka'o wo ayuntepo am bui, wo si Yesus sumingkir angé ang Galilea.

Markus 13:26

Asi témpo itu, sérén oka é tou si Toyaang i Tou mai ang kayo'baan pakasaputen ing kambung-kambung. Sia mai ang karapi pakasa ing kawasa wo ing kawangko'-Na.

Lukas 18:8

Icua-Ku ai camu: Em perkara é tou sinisir-Na itu makala'us oka bélan-Na! Taan sa si Toyaang i Tou maai sumawel, ra'ipé' tantu sa Sia makérépé' tou sé maéman ai Sia ang kayo'baan anio'.”

Lukas 21:27

Asi témpo itu sérén oka é tou si Toyaang i Tou mai ang kayo'baan pakasaputen ing kambung. Sia mai ang karapi pakasa ing kawasa wo ing kawangko'-Na.

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:14

Ampa'paan in itu sé tou maéman ang kota itu rumu'du' si Paulus e mario-rior mangé an ta'sic. Taan si Silas wo si Timotius makaento'pé' am Berea.

Kisah Para Rasul 20:1

An tutuw é tou an Efesus meelurano wo towan i Paulus sé tou maéman am bitu wo wéanna kaketeran em paémanen. Wo sia mekiupus en tumela'u iséra wo mangé a Makedonia.