Matius 10:2 - En Taar Weru a nunuwu' é Tontemboan

² Sé anioo e ngaran é sangapulu' rua ruru'du'an i Yesus itu: Si kataré Simon si pengatuulen Petrus, Andreas si metuari wo si Simon, Yakobus wo Yohanes toya-toyaang i Zebedeus,

Matius 10:2 ပူးပေါင်းရင်းမြစ်များ

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 20:20

Si Penanaan i Zebedeus ang karapi é rua toyaangna mai a si Yesus, wo kumundu an dior-Na e mangilek ai Sia.

Matius 26:37

Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 4:21

Kekawus in itu, si Yesus lumala'us im bawayaan wo kaséréan-Na ka'i sé rua metuari walina toya-toyaang i Zebedeus, sérao si Yakobus wo si Yohanes tuarina, mewali-wali wo si amang éra si ang karoro'an mawutul in lolombo' an untep in londéi. Séra towan i Yesus.

Markus 1:29

Kekesot i Yesus am balé paapo'an é agama Yahudi itu, wo Sia mangé mewali-wali wo si Yakobus wo si Yohanes am balé i Simon wo si Andreas.

Markus 13:3

Kumawus in itu, si Yesus wo sé murit-Na mangé an Tolaina in Zaitun wo Sia lumukut sumaru mako im Balé Le'nas. Wo si Petrus, si Yakobus, si Yohanes wo si Andreas rumuru mangé ai Sia wo séra tumané e mepaar wo mamuéi ai Sia,

Markus 6:30

Kekawus in itu, sé murit ayutus i Yesus maréng sumawel e mali'us mewali-wali wo Sia. Wo icua éra ai Sia pakasa sé tinawoio wo sé aisusuio éra.

Lukas 11:49

Ampa'paan in ituo, indior maké ing kapinteran-Na si Amang Kasuruan kumua in tana'i, “Yutus-Ku oka sé nabi wo sé ruru'du'an-Ku mangé a sé tou Israel. Sé sangaperua ai séra okoien oka wo sé sangaperua ka'i patén oka.”

Lukas 22:14

An tutuw an orasnao kuman ing kakanen Paska wo si Yesus lumukut kuman mewali-wali wo sé murit-Na, sé patuulen ka'i ruru'du'an.

Lukas 22:8

Wo iru'du' i Yesus si Petrus wo si Yohanes, icua-Na, “Mangém kamu wo itu'tulo mio' kakanen eng kanenta mewali-wali am perjamuan Paska anio'.”

Lukas 5:10

Taniitu ka'i sé kara-karapi i Simon, si Yakobus wo si Yohanes sé toyaang i Zebedeus, séra mangaya-ngaya'ka' isuméré in itu. Wo icua i Yesus a si Simon, “Simon tioo maindé'! Ico manaram mengatangka' sera', taan tumo'tol intarépé' ko mengaéré oka tou eng kumiit Yaku.”

Lukas 9:10

An tutuw sé murit ayutus i Yesus imaréngo mai sumawel wo isisil éra ai Sia pakasa sé tinawoio éra. Wo uwasen i Yesus séra sumingkir mewali-wali mangé an esa kota makangaran im Betsaida akar séra oka in esa.

Yohanes 12:22

Si Filipus mangé kumua in itu a si Andreas. Wo séra in dua mewali-wali mangé kumua in itu a si Yesus.

Yohanes 13:23

Am bitu awéan esa murit si caupus i Yesus, sia makalukut ang kakan-Na.

Yohanes 20:2

Wo sia tuméron mangé meta'up wo si Simon Petrus wo si murit walina si caupus i Yesus, wo icuana ai séra, “Si Tuang niindoo é tou ang kubur, ra'ica kailekan ami Sia aiweta' am bisa.”

Yohanes 21:2

Asi sangando, si Simon Petrus, Tomas si pengatuulen Didimus, si Natanael tou Kana ang Galilea, sé rua toyaang i Zebedeus, wo sé rua murit walina, séra im baya imali'us an tembir in lour itu.

Yohanes 21:20

An tutuw i Petrus maréng in somoi, sérénna si murit icaupus i Yesus makiit iséra. Si murit itu si ilumukut an duru i Yesus icuman mewali-wali an tutuw i Yesus ra'ipé' mate wo ka'i si mamuéi a si Yesus, “Tuang, si séi réén en sumarakan Ico?”

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Yohanes 6:67

Wo icua i Yesus a sé sangapulu' rua murit-Na, “Itela'u ka'i réén iow Aku?”

Yohanes 6:70

Icua i Yesus, “Ra'ica réén Yakuo in esa en sumisir camu sangapulu' rua tou mamuali murit-Ku? Taan si esaan ai camu, sia itu makiit ing kasalé'an i kikiiten é sétang.”

Yohanes 6:71

Em peangé-angén i Yesus itu si Yudas, si toyaang i Simon Iskariot. Ampa'paan si Yudas en sumarakan oka si Yesus a sé kaséké', mandé ka'i sia itu esaan tou asé sangapulu' rua murit-Na.

Yohanes 6:8

Awéan esa asé murit i Yesus, makangaran Andreas, sia itu tuari i Simon Petrus. Icuana in tana'i a si Yesus,

Kisah Para Rasul 1:13

An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Kisah Para Rasul 1:26

Wo lotréien éra en tumantu si séi asé rua tou itu eng kasisiran. Wo si Matias eng kinasisiran. Anaé, séra mangkai si Matias mamuali ruru'du'an mewali-wali wo sé sangapulu' esa tou ruru'du'an itu.

Kisah Para Rasul 12:2

Peréntanna sé touna wosama' si Yakobus si metuari wo si Yohanes patén maké in sa'bel.

Kisah Para Rasul 3:1

Asi sangando tutuw in jam tiga im bawaando, en témpona ipengasombayang é tou Yahudi, si Petrus wo si Yohanes mangé am Balé Le'nas.

1 Korintus 15:7

Kumawus in itu ka'i, Sia mangé mapaturu' a si Yakobus wo mangé ka'i mapaturu' a sé im pakasa é ruru'du'an.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

1 Petrus 1:1

En surat anio' a yaku owo Petrus, si ruru'du'an i Yesus Kristus. En surat anio' aipaticku ai camu sé tou sinisir i Amang Kasuruan e mamuali anu-Na. Icamu anio' asalo imanangkéi wo maento' an uner é tou sé ra'ica maéman wo isumeraro an sangkum im Pontus, Galatia, Kapadokia, Asia Teké' wo am Bitinia.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

2 Yohanes 1:1

En surat anio' a yaku owo si penatua an jamaat. Ipaticku en surat anio' a si inang si sinisir i Amang Kasuruan, wo ka'i a sé toyaang i inang sé icaupusku kumiit in sususuien wutul i Amang Kasuruan. Wo ra'ica yakuke' e mengaupus icamu, taan pakasa in tou sé makailek in sususuien wutul mengaupus camu.

3 Yohanes 1:1

En surat anio' a yaku owo penatua an jamaat. En surat anio' aipaticku ai co é poowku Gayus si uli-ulit icaupusku.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”

Wahyu 22:8

Wo yaku, si Yohanes, liningakuo wo sinérékuo waya en itu. An tutuwku luminga wo suméré waya in itu, yaku kumundu wo kumuru en sumiri' an dior ing kécéi i malaékat si tumuru'o waya in itu.