Matius 10:17 - En Taar Weru a nunuwu' é Tontemboan

¹⁷ Kamu musti maténga-téngam a sé pakasa in tou! Ampa'paan awéan oka tou en sumarakan icamu an sidang agama wo samboken oka éra kamu am balé-walé paapo'an éra.

Matius 10:17 ပူးပေါင်းရင်းမြစ်များ

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Matius 20:19

Isarakan éra oka Sia a sé bangsa ra'- ica Yahudi wosama' Sia para'i-ra'ien, samboken wo isalip éra. Taan asi endo katelu Sia touen oka sumawel.”

Matius 23:34

Ampa'paan in ituo yutus-Ku oka mai ai camu sé nabi, sé tou pandéi wo sé makailek wutul in Torat. Taan awéan ai séra itu patén iow oka wo sé walina isalip iow. Sé walina ka'i okoien iow oka am balé-walé paapo'an iow wo awéan ka'i sé paangi-angiten iow asi kota esa akar asi kota walina.

Matius 26:59

Sé kikiiten é imam wo pakasa sé anggota Mahkamah Agama maéré-éré kasairian ra'ica wutul andumoro' i Yesus wosama' Sia makéré ukuman patén.

Matius 5:22

Taan icua-Ku ai camu, si séi si mae'bow a si poowna musti ukumen. Wo si séi e mengawa'ba' si poowna, musti isaru' an dior é Mahkamah Agama. Wo si séi ka'i e makua si poowna bodok, sia patus itiya' an api ra'ica mape'de-pe'del.

Markus 13:12

Maai oka en témpona, si esa tou sumarakan oka si poowna in esa em patén. Taniitu ka'i e mamuali a si esa amang sumarakan oka sé toyaangna. Sé toyaang ka'i sumundur oka sé matu'a wo patén éra.

Markus 13:9

Anaé, matéi-téiro mangé kamu! Ampa'paan kamu tangkaan oka é tou wo isarakan éra an sidang agama wo pangkuren éra am balé paapo'an é agama Yahudi. Iwali éra kamu an dior i gubernur wo a sé kolano ampa'paan kamu makiit Yaku. Asi témpo ituo kamu ro'na kumua a sé tou keli andumoro' in Abar Kaaruien.

Lukas 12:11

Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow.

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Kisah Para Rasul 17:14

Ampa'paan in itu sé tou maéman ang kota itu rumu'du' si Paulus e mario-rior mangé an ta'sic. Taan si Silas wo si Timotius makaento'pé' am Berea.

Kisah Para Rasul 22:19

Wo isowatku, ‘O Kasuruan, kailekan éra sapaoka yakuo si indior mengunte-nguntep am balé-walé paapo'an é agama Yahudi en tumangka' sé tou maéman a si Apo' Yesus en yuntep am bui wo pasamboken.

Kisah Para Rasul 26:11

Yaku ka'i muntep am balé-walé paapo'an é agama Yahudi wo pengaokoienku sé tou makiit si Yesus wo leséénku séra en sumangkal im paémanen éra. Ampa'paano aku mae'bow keli wo keli paangitenku séra akar ang kota-kota walina.”

Kisah Para Rasul 9:2

e mangilek surat kawasa em paalin am balé-walé paapo'an é agama Yahudi an Damsyik wo sa ipeta'upna sé tuama kuma'pa wéwéné sé makiit in sususuien i Yesus, séra tangkaanna wo paalinna an Yerusalem.

Filipi 3:2

Mareti-retio mangé kamu a sé tou sé mengaéma' in léwo', sé patus patuulen asu wo sé malesé' sé tou maéman a si Kristus en sunaten.

2 Timotius 4:15

Sia uli-ulit mengakélong in sususuien si aisusuitao. Ampa'paan ituo ko musti mareti-reti ai sia.

Ibrani 11:36

Awéan ka'i sé tou ipaséro' wo papasuten, wina'kes i ranté wo pakabuin.