Taan en itu ra'ica imaa'mut sama' wo ra'ica itumang uré. Sa séra meta'up ing kasusaan kuma'pa in okoi ampa'paan in taar itu, séra makala'us tumela'u im paémanen itu.
Wo in taniitu malekepo en taar si aicua i nabi, “Icasalé'-Ku muka' im ba'ba'-Ku kumua in andéan, icasalé'-Ku kumua en andumoro' sé ipaene-enep tumo'tolke' mai eng kayo'baan anio' niéma'.”
Wo séra mento' a mangé mbitu akar i colano Herodes maté. Pakasa en itu mamuali wosama' malekep sapa si aicua i Amang Kasuruan a si nabi, “Towan-Ku si Toyaang-Ku a Mesir owo.”
Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”
“Tioo paweroten iow sa Aku maai ang kayo'baan e mai misi in ukum Torat kuma'pa ing kitap é nabi. Yaku mai ra'ica misi in itu taan mai lumekep waya in itu.
Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”
Ang kauré-Ku imewali-wali wo iséra, tinéiran-Ku mai séra ang karapi ing kawasa-Mu si aiwéé-Mu a Yaku, wosama' ra'ica wana esaan tou ai séra e maté, aluar si esa si aitantuo imaté. Wo in taniitu sapa si aipatico ang Kitap Le'nas imalekepo.
Icua-Na in taniitu, akar malekepo sapa sé aicua-Nao. Tana'i sé aicua-Nao itu, “Pakasa sé tou sé aiwééo i Amang a Yaku, ra'ica wana mandé esake' tou en catala.”
Ampa'paan si Amang Kasuruan matawoi an até éra wosama' émaan éra sapa en icasalé'-Na. Ampa'paan in ituo séra meesa e méé ing kawasa éra a si binatang itu, akar linekepo waya sé aicua-Na.