Matius 1:1 - En Taar Weru a nunuwu' é Tontemboan

¹ Si anioo en daftar é apo-apo' i Yesus Kristus taranak i Daud wo taranak i Abraham.

Matius 1:1 ပူးပေါင်းရင်းမြစ်များ

Matius 1:18

Tana'i en sisisilen andumoro' ing ketou i Yesus Kristus: Si Maria inang i Yesus, tinantuano kawéngen i Yusuf, taan an tutuw éra ra'ipé' icumawéng, si Maria maowa-owako ampa'paan ing kawasa i Roh Le'nas.

Matius 1:2

Si Abraham makatoyaang, si Ishak. Si Ishak makatoyaang ngaranna Yakub. Wo si Yakub makatoyaang ngaranna Yehuda wo sé metuari wo sia.

Matius 15:22

Wo mai si esa wéwéné Kanaan si an sangkum itu owo wo kumua, “Icaupusai aku é Tuang, taranak i Daud, ampa'paan si toyaangku wéwéné rinasuk i sétang wo wenduo keli.”

Matius 3:16

Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia.

Matius 9:27

An tutuw i Yesus lumala'us im bawayaan-Na, sé rua tou wola makiit Sia mengangko-ngangko' wo makua, “Éi taranak i Daud, caupusai kami.”

Lukas 1:33

Sia mamuali oka Kolano a sé tou Israel taranak i Yakub. Wo eng kakolanoan-Na awéan akar ing kauré-uré.”

Yohanes 7:42

Ra'ica réén ang Kitap Le'nas aipatic, si Mesias itu taranak i Daud wo imai asi roong Betlehem paento'an i Daud owo?”

Kisah Para Rasul 2:30

Taan si Daud anio' nabi wo kailekanna sa si Amang Kasuruan ijumanjio ai sia ang karapi in sumpa sapaoka esa asé taranakna mamuali oka kolano.

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 4:13

Si Amang Kasuruan jumanjio a si Abraham wo a sé tara-taranakna, sapaoka iwéé-Na oka eng kayo'baan anio' mamuali anu éra. Si Amang Kasuruan jumanji tanu siitu ra'ica ampa'paan si Abraham le'tek mengaéma' in ukum Torat, taan ampa'paan sia maéman a si Amang Kasuruan akar sia nianggap-Na wutul.

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

Galatia 3:16

Taniitu ka'i wo im pakasa in janji i Amang Kasuruan si aicuao a si Abraham wo a si taranakna. An tutuw en janji-Na itu niéma', ra'ica aicua “a sé tarana-taranakmu” en tumuru' a sé tou keli, taan aicua “a si taranakmu” si tumuru' asi esa tou, Siao si Kristus.

1 Timotius 2:5

Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.

2 Timotius 2:8

Ta'néien in sumama-sama' en anio': si Yesus Kristus taranak i Daud, wo maté taan tinou sumawel i Amang Kasuruan. Si anioo en Abar Kaaruien si pakua-kuakuo am bisa-wisa.

Wahyu 22:16

Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”