Markus 9:9 - En Taar Weru a nunuwu' é Tontemboan

⁹ An tutuw éra imaperos ing kuntung, itaar i Yesus ai séra wosama' ra'ica toro ipepaar éra a si séike' mangé sapa en sinéré éra itu, sa si Toyaang i Tou ra'ipé' tumou sumawel an uner é tou imaté.

Markus 9:9 ပူးပေါင်းရင်းမြစ်များ

Matius 12:19

Sia ra'ica kawisa meindoan roma' wo ra'ica kawisa maangko', wo ra'ica kawisa ka'i lingan é tou Sia manuwu' an lala-lalan.

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Matius 8:4

Wo icua i Yesus ai sia, “Ta'néieno mangé, tioo icuamu en anio' a si séike' mangé, taan mangéo ipapaturu' en owakmu a si imam wo mééo mio' raragés binatang pinokol tanu si aiperénta i Musa, en itu tanu tuus ai séra.”

Markus 5:43

Wo wutu-wutul pinéro i Yesus séra, wosama' ra'ica isisil éra eng kamamualian itu a sé tou walina. Kekawus in itu ru'du'-Na séra e méé kanen a si toyaang itu.

Markus 7:36

Aitaar i Yesus ai séra wosama' ra'ica ipepaar éra a si séiké' mangé eng kamamualian itu. Taan mandé séra peméro-méronen-Na, makaaweske' taré pengua-ngua éra.

Markus 9:10

Anaé, ra'ica ipepaar éra a sé tou walina sapa en sinéré éra itu, taan séra wo iséra membum-buéian sapa eng kaangéanna “tumou sumawel an uner é tou imaté.”

Markus 9:8

Tumarépé'anke'mai an tutuw éra suméré sé an li'cir, ra'io ka'i wana tou walina eng kaséréan aluar si Yesus oka in esa.

Lukas 24:46

Wo icua-Na ai séra, “Aipatic ang Kitap Le'nas tana'i: Si Mesias, si Colano Lumolowir, musti mawendu wo maté wo asi endo katelu tumou sumawel an uner é tou imaté.

Lukas 9:36

An tutuw en suara itu ra'io kalingaan, sérén éra en am bitu waya oka si Yesus in esa. Pakasa sé sinéré é telu murit am puruk ing kuntung asi témpo itu, asalo ipakapenes éra wo ra'ica ipasisi-sisil éra a sé tou walina.