Markus 9:7 - En Taar Weru a nunuwu' é Tontemboan

⁷ Wo tumumpao mai eng kambung lumoindong iséra. Wo an untep ing kambung itu kalingaan en suara, “Si anioo si Toyaang-Ku, si caupus-Ku, lingano mangé Sia!”

Markus 9:7 ပူးပေါင်းရင်းမြစ်များ

Matius 27:43

Sia maéman a si Amang Kasuruan, wo isumangkumo icumua sa Sia itu Toyaang i Amang Kasuruan. Anaé, intarépé' mandéo Sia lowiren i Amang Kasuruan, sa icasalé'-Na.”

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Markus 1:11

Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”

Markus 9:6

Icuana in taniitu ampa'paan ra'io kailekanna ka'i sapa si musti cuana, ampa'paan sia wo sé kara-karapina maindé'o keli.

Markus 9:8

Tumarépé'anke'mai an tutuw éra suméré sé an li'cir, ra'io ka'i wana tou walina eng kaséréan aluar si Yesus oka in esa.

Lukas 3:22

wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 12:28

O Amang, ituru'o mai a sé tou eng kawangko' ing kawasa-Mu.” Wo kalingaan en suara an sorga owo, “Aituru'-Kuo eng kawangko' ing kawasa-Ku wo ituru'-Ku oka ka'i sumawel eng kawangko' ing kawasa-Ku itu.”

Yohanes 19:7

Wo icua é tou Yahudi itu a si Pilatus, “Icami awéan ukum, sa kumiit in ukum itu, Sia musti ukumen im patén, ampa'paan Sia mawerot en owak-Na Toyaang i Amang Kasuruan.”

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 5:18

Sé nunuwu' itu méma' sé kikiiten é Yahudi lébé rumaméji e maté Sia, ra'icake' ampa'paan Sia ra'ica kumiit in atoran in endo Sabat, taan ka'i ampa'paan Sia icumua sa si Amang Kasuruan itu Amang-Na in esa, wo in taniitu pengapeputé-Na en owak-Na wo si Amang Kasuruan.

Yohanes 5:37

Wo si Amang-Ku si mutusai Yaku, Siao in esa e iméé ing kasairian sa si séi Aku en ulitna. Kamu ra'ipé' kawisa luminga Sia maroma' ai camu wo ra'ipé' sumangkum ka'i suméré in amo-Na,

Yohanes 6:69

Icami anio' maémano wo makaileko si Tuang itu Le'nas si ayutus i Amang Kasuruan.”

Yohanes 9:35

Liningao i Yesus si tou wola itu ayuséro éra kumesot am balé paapo'an é agama Yahudi. Wo si Yesus meta'up wo si tou itu wo icua-Na ai sia, “Émanenmu si Toyaang i Tou?”

Kisah Para Rasul 1:9

Kumawusai si Yesus kumua in taniitu, Sia icaangkaio mangé an sorga pakasérén éra wo Sia saputen ing kambung akar ra'io kaséréan éra.

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’

Kisah Para Rasul 8:36

Séra lumala'us i bawayaan wo séra icateka' an esa tampa awéan rano. Icua i kikiiten itu a si Filipus, “Sérénmu, am bitu awéan rano! Tambisa, ro'nao réén aku baptisenmu?” [

Roma 1:4

taan sa sérén eng kale'nasan ing katouan-Na, Sia itu Toyaang i Amang Kasuruan. En tuusna an tutuw si Amang Kasuruan maké ing kawasa-Na itumou sumawel Sia an uner é tou imaté. Siao si Yesus Kristus Apo'ta.

Ibrani 2:1

Ampa'paan si Yesus e rumangka' mai wo sé malaékat, anaé musti timboianta mauli-ulit en sususuien sé liningatao andumoro' Sia, oréoka kita katawéran kumiit in sususuien walina akar ra'io ka'i maéman ai Sia.

2 Petrus 1:17

Sinéré amio tumambisa si Yesus makéré i rarayo wo in sisiri' asi Amang Kasuruan owo. An tutuw itu kalingaan ami en suara i Amang Kasuruan si pasiri-siriin wo iparayo-rayo makua ai Sia tana'i, “Si anioo si Toyaang-Ku, si ipaupu-upus-Ku. Siao si mengaarui in até-Ku.”

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.