Markus 9:4 - En Taar Weru a nunuwu' é Tontemboan

⁴ Wo mapaturu'o mai ai séra si Elia wo si Musa memaa-maar ang karapi i Yesus.

Markus 9:4 ပူးပေါင်းရင်းမြစ်များ

Matius 11:13

Ampa'paan pakasa nabi wo ing kitap-kitap i Musa icumuao i nunuwu' i Amang Kasuruan andumoro' sé mamuali akar si Yohanes maai.

Markus 9:3

wo en juba-Na imakuloo keli menéla-nélap. Ang kayo'baan anio', ra'ica wana tou e makawoo kumemes ing karai akar i makulo' tanu ing kakulo' im pekaraien-Na itu.

Markus 9:5

Icua i Petrus a si Yesus, “Guru, loor oka woo kita asi tampa anio'. Mandéo itoor ami telu ténda, si esa anu i Guru, si esa anu i Musa, wo si esa anu i Elia.”

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 9:19

Wo isowat éra, “Awéan sé makua si Yohanes Mabaptis, awéan ka'i sé makua si nabi Elia. Wo sé walina ka'i makua esaan asé nabi indior si tumou sumawel.”

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”