Markus 9:2 - En Taar Weru a nunuwu' é Tontemboan

² Lumangkoio enem ngando, iwali i Yesus si Petrus, si Yakobus wo si Yohanes sumosor asi esa kuntung rangka'. Am bitu wayaoka iséra wo an dior im beren éra si Yesus mawalinao,

Markus 9:2 ပူးပေါင်းရင်းမြစ်များ

Matius 14:13

Kelinga i Yesus en abar i Yohanes Mabaptis imatéo, wo Sia sumingkir angé tumela'u in tampa itu. Wo Sia sumaké an londéi mangé an tampa lulu in tou. Taan an tutuw kinailekan é tou keli, wo séra kumesot ang kota-kota éra wo maya' ing kécéi kumiit in lalan katanaan.

Markus 14:33

Wo towan i Yesus si Petrus, si Yakobus wo si Yohanes kumiit angé ang karapi-Na. Asi témpo itu, en até-Na tumo'tolo makapendam im bendu, wo ra'io makaaté in sama'.

Markus 16:12

Kekawus in itu, si Yesus mapaturu' in owak-Na a sé rua murit-Na. Séra in dua ang karoro'an i mawaya' maangé asi esa roong. Asi témpo itu ra'ica katuusan éra si Yesus, ampa'paan Sia kaséréan walina ra'io puté indior.

Markus 5:37

Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus.

Lukas 6:12

Asi makasa, si Yesus mangé an esa tolaina en sumombayang. Am bitu Sia sangawengi menomba-nombayang a si Amang Kasuruan.

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

2 Korintus 13:1

Asi kumatelu anio' woo aku masalé' maai ai camu. Ang Kitap Le'nas aipatic, “Susur in awéan perkara musti awéan kasairian é rua kuma'pa telu tou, wo em perkara itu uli-ulit ro'na percayan.”

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.