Markus 8:6 - En Taar Weru a nunuwu' é Tontemboan

⁶ Wo iru'du'-Na sé tou keli itu lumukut an tana'. Kekawus in itu indon-Na sé pitu roti itu wo kumua i makapulu'sama' a si Amang Kasuruan, te'bi-te'biin-Na e roti itu wo iwéé-Na a sé murit-Na en yéké, wo yéké éra e roti itu a sé tou keli.

Markus 8:6 ပူးပေါင်းရင်းမြစ်များ

Matius 26:26

An tutuw i Yesus wo sé murit-Na ang karoro'an i makan, indon-Na e roti wo kumua mangé makapulu'sama', wo te'bi-te'biin-Na e roti itu, wo yéké-Na a sé murit-Na wo kumua, “Indono, kaneno, si anioo en owak-Ku.”

Markus 8:20

Wuéien i Yesus sumawel, “An tutuw-Ku in tume'bi' sé pitu roti aiwéé eng kanen é epat ngariwu tou itu, pira réén wantang tiruw e roti sé tine'bi-te'bi' niumung iow?” Isowat éra, “Pitu wantang.”

Markus 8:5

Wuéien i Yesus ai séra, “Pira réén eng kakeli i roti sé pinaali miow?” Isowat éra, “Pitu.”

Markus 8:7

Awéan ka'i piraan sera' teké' ai séra, wo kekawus i Yesus kumua i makapulu'sama', iru'du'-Na sé murit-Na e méké in itu a sé tou keli itu.

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Lukas 24:30

An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

Yohanes 2:5

Taan icua i inang-Na a sé tou sé mengaselewir am pésta itu, “Émaano mangé sapa si aicua i Yesus ai camu.”

Yohanes 6:23

Ang karoro'an in itu awéan londé-londéi sé mai ang kota Tiberias owo wo sumuwa' an diit in tampa kinanan i roti é tou keli, kekawus i Apo' Yesus kumua i makapulu'sama'.

Roma 14:6

Si tou maanggap si esa endo en lébé pentingai wo sé endo walina, niéma'na en itu e rumayo wo sumiri' si Casuruan. Wo si tou ro'na kuman pakasa ing kakanen, niéma'na en itu e rumayo wo sumiri' si Casuruan, ampa'paan an tutuw ra'ipé' icuman, sia mééo i makapulu'sama' a si Amang Kasuruan. Wo si tou kuman in séndéénke', niéma'na en itu e rumayo wo sumiri' si Casuruan wo sia ka'i kumua i makapulu'sama' a si Amang Kasuruan.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.