Markus 8:2 - En Taar Weru a nunuwu' é Tontemboan

² “En até-Ku mendam ing kaupusan a sé tou keli anio', ampa'paan séra teluo ngando mengii-ngiit Yaku wo séra ra'io ka'i wana kakanen.

Markus 8:2 ပူးပေါင်းရင်းမြစ်များ

Matius 14:14

Icateka' mangé en londéi pakasakéan i Yesus, sérén-Na keli en tou wo mai eng kaupusan-Na ai séra wo sé tou sumakit sinama'-Na.

Matius 20:34

Wo mai eng kaupusan i Yesus ai séra in dua wo isuun-Na ing kama em beren éra. An tutuw ituke' séra ro'nao maséré wo séra kumiit Isia.

Matius 9:36

An tutuw i Yesus suméré sé tou keli makiit Sia, mai eng kaupusan in até-Na ai séra, ampa'paan séra makepéo wo icawayao tanuoka sé domba ra'io wana gembala.

Markus 1:41

Wo mai eng kaupusan i Yesus a si tou itu. Yulur i Yesus eng kama-Na e misu' si tou itu wo kumua, “Icasalé'-Ku, masama'o ko!”

Markus 5:19

Taan ra'ica niénan i Yesus wo icua-Na a si tou itu, “Aweso taré, ko maréngo mangé am balému wo isisilo mangé a sé tou an doongmu sapa waya e niéma' i Casuruan ai co wo icuao mangé tambisa eng kaupusan-Na ai co.”

Markus 6:32

Wo séra sumaké an londéi e maangé an tampa lulu in tou en tumané mangé am bitu.

Markus 6:34

An tutuw éra sumuwa' mangé, sérén i Yesus taniitu eng kakeli é tou imali'us, wo mai eng kaupusan in até-Na ai séra, ampa'paan séra tanuoka sé domba ra'io wana gembala. Wo tumo'tolo Sia sumusui ing keli sususuien ai séra.

Markus 8:3

Sa séra maarem wo iru'du'-Ku maréng am balé éra, séra mapusing oka an lalan, ampa'paan awéan ka'i sé imai an tayang owo.”

Markus 9:22

Wo makakeli-keli sia pengawésoon i roh léwo' yuntep an api kuma'pa yuntep an dano e maté sia. Taan sa woo ro'na si Guru sumama' sia, tawangenai wo icaupusai kami.”

Lukas 15:20

Wo sia tumu'tul wo maréng angé a si amangna. Tayangé' im balé, sia kinaséréano i amangna. Wo mai eng kaupusan i amangna wo sia tuméron angé sumungkul si toyaangna itu, ke'kep- enna wo ciomenna.

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 5:2

Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.