Markus 7:9 - En Taar Weru a nunuwu' é Tontemboan

⁹ Icua ka'i Yesus ai séra, “Pandéi keli tuu kamu makélong im perénta i Amang Kasuruan, wosama' ro'na paliaran iow eng kanaramen iow in esa.

Markus 7:9 ပူးပေါင်းရင်းမြစ်များ

Markus 7:13

Anaé, em pengakiiten iow asaloke' ing kanaramen-kanaramen sé tinerima miow a sé apo-apo', taan en Taar i Amang Kasuruan ra'io pengakiiten iow. Keliané' ka'i em balina sé tanu siitu sé pengaémaan iow.”

Markus 7:3

Ampa'paan sé tou Farisi meputé wo sé tou Yahudi walina, séra ra'ica toro kuman sa ra'ica mu'as ing kama kumiit ing kanaramen. Wo pengatimboien éra in sama' eng kanaramen é apo-apo' éra.

Markus 7:5

Ampa'paan in itu, sé tou Farisi wo sé makailek wutul in Torat mamuéi a si Yesus, “Kéitu réén sé murit i Tuang ra'ica makiit ing kanaramen é apo-apo'ta? Séra kuman ra'ica imu'as ing kama.”

Roma 3:31

Sa taniitu, ra'io réén wana eng katoronaan en ukum Torat itu ampa'paan kita maémano a si Yesus? Ra'ica taniitu! Taan ampa'paano taré kita maéman, en ukum Torat itu émaanta i mauli-ulit.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

Galatia 1:14

Tanu tou si mengakiit in agama é Yahudi yaku en lébé incaya' miara ing kanaramen é apo-apo'ku, sa ipeputé wo sé kinakelian asé tou Yahudi sé merengan wo yaku.

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.

2 Tesalonika 2:4

Si tou ituo en sumundur si Amang Kasuruan wo mengaangkai in owakna rumangka'mai asé im pakasa é opo-opo' sé paanggapen é tou tanu Kasuruan. Wo ka'i sia lumukut an untep im Balé Le'nas wo an dior é tou icuana sapaoka siao si Amang Kasuruan.