Markus 7:4 - En Taar Weru a nunuwu' é Tontemboan

⁴ Wo ka'i sa séra maréngai am pasar, séra ra'ipé' toro kuman sa ra'ipé' imeresi in owak. Keliané' ka'i eng kanaramen walina sé pengatimboien éra in sama', tanu mai mu'as ing gelas, tampayang wo sé pakakas tambaga wo ka'i em patekelan.

Markus 7:4 ပူးပေါင်းရင်းမြစ်များ

Matius 23:25

Icawangkuro mio' kamu sé makailek wutul in Torat wo sé tou Farisi. Icamu anio' tou punek. Icamu meputé wo sé mawu'as im pakakas paelepan wo em pakanan ang kesotnake', tanu siituo em peri miow pakasérén ang kesot maéma' in atoran in agama, taan en até miow wuta ing kalongi'an wo mengaandét in anu é tou.

Matius 23:26

Éi tou Farisi wola! Wu'asan owo en an untep im paelepan wo em pakanan itu wosama' ang kesotna ka'i maweresi.

Matius 27:24

Kailekano i Pilatus sapaoka pakasa e niéma'na ra'ica wana torona wo ka'i sé tou tumo'tolo maéma' ing kalicokoan, wo sia mindo rano, mu'as ing kamana an dior é tou keli wo icuana, “Ra'- ica wana eng kameséaanku andumoro' im papaté i Tou anio', en itu urusan iow in esa.”

Markus 7:8

Em perénta i Amang Kasuruan ra'ica pengakiiten iow, taan em perénta sé niéma' é tou pengakiitan iow.”

Yohanes 2:6

Am bitu awéan enem tampayang papumpunan in dano sé ipatu'tul ing kaperluan pengawu'as iciit ing kanaramen é tou Yahudi. Esa wo i esa tampayang itu papumpunan in dano wona' sangaatus liter.

Yohanes 3:25

Sé murit-murit i Yohanes meindo-indoan roma' wo si esa tou Yahudi walina andumoro' i mu'as in owak iciit in atoran an agama Yahudi.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Yakobus 4:8

Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.

1 Yohanes 1:7

Taan sa kita menonou an sendot meputé ka'i wo Sia an sendot, tantu kita menonou imeesa wo sé tou walina. Wo pakasa eng kamesé-meséaanta wu'asan oka in enda' i Yesus Toyaang-Na.