Markus 7:34 - En Taar Weru a nunuwu' é Tontemboan

³⁴ Wo si Yesus kumanat angé an langit, Sia méso' in aseng wo kumua, “Efata!” eng kaangéanna: “Mawuka'o!”

Markus 7:34 ပူးပေါင်းရင်းမြစ်များ

Markus 1:41

Wo mai eng kaupusan i Yesus a si tou itu. Yulur i Yesus eng kama-Na e misu' si tou itu wo kumua, “Icasalé'-Ku, masama'o ko!”

Markus 15:34

Wo asi jam tiga im bawaando, si Yesus kumua in taangko' a nunuwu' é Aram, “Eloi, Eloi lama sabakhtani?” eng kaangéanna, “Kasuruan-Ku, Kasuruan-Ku, kéitu réén aitela'u-Mu Aku?”

Markus 5:41

Wo timboian-Na eng kama i toyaang itu, wo icua-Na, “Talita kum” eng kaangéanna “Éi toyaang wéwéné, icua-Ku ai co, tumooro!”

Markus 6:41

Kekawus in itu indon i Yesus sé lima roti wo rua sera' itu. Sia kumanat angé an langit wo kumua i makapulu'sama' a si Amang Kasuruan. Wo te'bi-te'biin-Na e roti itu wo iwéé-Na a sé murit-Na, wosama' yéké éra a sé tou itu. Taniitu ka'i mai sé rua sera' itu, yéké-Na waya ai séra.

Markus 7:35

Asi témpo ituke' mawuka'o en lunteng i tou itu, wo en lila'na imasama'o akar sia ro'na maroma' in loor.

Markus 8:12

Kelinga in itu, en até-Na matapé wo kumua, “Kéitu réén sé tou intarépé' anio' mangilek tuus? En ulitna icua-Ku mangé ai camu, sé tou anio' ra'ica kawisa wéan-Ku tuus.”

Lukas 18:42

Wo icua Yesus ai sia, “Intarépé' ko ro'nao suméré! Wo ampa'paan ko maéman a Yaku, ko masama'o.”

Lukas 19:41

An tutuw i Yesus makatawio in Yerusalem wo sérén-Na eng kota itu wo amé'an-Na.

Lukas 7:14

Kumawus in itu, Sia rumuru mangé ang kalékos itu, wo timboien-Na. Sé tou makawuléng ing kalékos itu makala'us mento', wo icua-Na, “Éi mangalitou, icua-Ku ai co tumooro!”

Yohanes 11:33

An tutuw sérén i Yesus si Maria maamé' wo ka'i sé tou Yahudi sé mai mewali-wali wo isia maamé', en até i Yesus masusa wo wendu keli,

Yohanes 11:35

Wo si Yesus maamé'.

Yohanes 11:38

En até i Yesus mawendu keli, wo Sia mangé ang kubur i Lazarus. Eng kubur itu esa wo'bok si pinénet im batu wangker.

Yohanes 11:41

Wo angkaien éra em batu itu. Wo si Yesus kumanat angé wo kumua, “Amang, Yaku kumua makapulu'sama' a si Amang, ampa'paan liningao i Amang en sombayang-Ku.

Yohanes 11:43

Kekawus ako Sia kumua in taniitu, Sia rumoma' in taangko', “Lazarus, kumesoto mai!”

Yohanes 17:1

Kekawusai i Yesus kumua im pakasa in itu, Sia kumanat angé an langit wo sumombayang, “O Amang, an témponao! Irayoo wo siriino mai si Toyaang-Mu, wo in taniitu si Toyaang-Mu ka'i ro'na rumayo wo sumiri' Si Amang.

Kisah Para Rasul 9:34

Wo icua i Petrus ai sia, “Eneas, si Yesus Kristus isumama'o ico. Tumooro wo tu'tuleno em pakatekelanmu!” Asi témpo ituke', si Eneas makala'us tumoor.

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.