Markus 6:2 - En Taar Weru a nunuwu' é Tontemboan

² Asi endo Sabat tumo'tolo Sia masusui am balé paapo'- an é agama Yahudi. Asi témpo itu keli en tou mai luminga Sia, séra mangaya-ngaya'ka' wo kumua “Am bisa réén eng kinéréan-Na waya in anio'? Kapinteran sapa si aiwéé ai Sia? Tumambisa ro'na émaan-Na en tuu-tuus kakaya'kaan taniitu?

Markus 6:2 ပူးပေါင်းရင်းမြစ်များ

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 7:28

An tutuw i Yesus makasusuio, sé tou keli mangaya-ngaya'ka' luminga in sususuien-Na.

Markus 1:39

Anaé, si Yesus mangé am pakasa in tampa ang Galilea. Sia kumua in Abar Kaaruien am balé-walé paapo'an éra wo musér sé sétang.

Markus 10:1

Asi tampa itu oka wo si Yesus mangé an sangkum in Yudea wo an sangkum in lewet in doyongan Yordan, wo keli ka'i en tou mai mali'us an li'cir-Na. Wo tanu ka'i ing kanaramen-Na mengasusui ai séra.

Lukas 2:47

Wo pakasa in tou mangaya-ngaya'ka' makalinga im pakanuwu'-Na wo eng kapandéi-Na masowat im buwuéien éra.

Lukas 4:15

Wo am bitu Sia masusui am balé-walé paapo'an é agama Yahudi wo pakasa in tou marayo-rayo Sia.

Yohanes 6:42

Icua éra, “Ra'ica réén Sia anio' si Yesus, toyaang i Yusuf? Si amang wo si inang-Na katuusanta. Kéitu réén intarépé' ipakua-Na Sia itu tumumpao mai an sorga owo?”

Yohanes 7:15

Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”