Markus 5:7 - En Taar Weru a nunuwu' é Tontemboan

⁷ Kumawus in itu, si tou itu mangko' repet, “Sapa en urusan-Mu wo yaku éi Yesus, Toyaang i Amang Kasuruan Si Rumangka-rangka'? Pekiupusenku ai Co ang karapi i ngaran i Amang Kasuruan, tioo okoien-Mu aku!”

Markus 5:7 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Matius 4:3

Wo si kikiiten é sétang mai wo kumua, “Ampa'paan Ko Toyaang i Amang Kasuruan, peréntano sé watu anio' wosama' mamuali roti.”

Matius 8:29

Wo séra ka'i mangko', “Sapa en urusan-Mu wo icami, éi Toyaang i Casuruan? Mai-Mu réén okoien kami mandé ra'ipé' an témpona?”

Markus 1:24

“Yesus tou Nazaret! Sapa en urusan-Mu wo icami? Mai-Mu réén patén kami? Kailekanku si séi-Ko, Icoo si Le'nas asi Amang Kasuruan owo.”

Markus 14:61

Taan si Yesus asaloke' imakapenes, Sia ra'ica sumowat in sapa-sapa. Wo wuéien ka'i i imam wangko' ai Sia, “Icoo réén si Mesias, si Toyaang i parayo-rayo ami?”

Markus 3:11

Susur ka'i sé tou rinasuk i roh léwo' itu suméré si Yesus, séra kumundu an dior-Na wo mangko', “Icoo si Toyaang i Amang Kasuruan!”

Markus 5:6

An tutuw sérénna si Yesus an tayang, sia tuméron angé a si Yesus wo kumundu an dior-Na.

Markus 5:8

Aicuana in taniitu ampa'paan aicua owo i Yesus a si tou itu, “Éi roh léwo'! Kumesot ko asi tou itu.”

Lukas 1:32

Sia itu mamuali oka tou wangko' wo pengatuulen oka ka'i é tou, Toyaang i Amang Kasuruan Si Rumangka-rangka'. Wo Sia émaan oka i Amang Kasuruan Kolano tanu si colano Daud, amang é apo-apo'-Na.

Lukas 4:34

“Yesus tou Nazaret, sapa en urusan-Mu wo icami! Mai-Mu réén patén kami? Kailekanku si séi-Ko, Icoo si Le'nas, asi Amang Kasuruan owo.”

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Lukas 8:28

Keséréna si Yesus, sia mangko' wo kumundu an dior-Na. Icuana in taangko', “Sapa en urusan-Mu wo yaku, éi Yesus Toyaang i Amang Kasuruan Si Rumangka-rangka'? Pekiupusenku ai Co tioo okoien-Mu aku!”

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Kisah Para Rasul 16:17

Si wéwéné itu mengii-ngiit ka'i an somoi i Paulus wo icami, ang karapi i mengangko-ngangko', “Sé tou anioo sé ata i Amang Kasuruan Si Rumangka-rangka'. Séra makua in lalan kalowiran ai camu.”

Kisah Para Rasul 19:13

Awéan piraan tou Yahudi sé mengasihir, séra mawaya-waya' mangé am bisa-wisa e musér sé roh léwo' asé tou rinasuk. Yepé' éra imaké i ngaran i Apo' Yesus. Icua éra a sé roh léwo' itu. “Ang karapi i ngaran i Yesus si aicua i Paulus, yusérku kamu!”

Kisah Para Rasul 8:36

Séra lumala'us i bawayaan wo séra icateka' an esa tampa awéan rano. Icua i kikiiten itu a si Filipus, “Sérénmu, am bitu awéan rano! Tambisa, ro'nao réén aku baptisenmu?” [

Roma 16:20

Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Ibrani 7:1

Si Melkisedek anio' kolano ang kota Salem wo imam i Amang Kasuruan Si Rumangka-rangka'. An tutuw i Abraham maréngo mai am paperangan icumala sé kolano, si Melkisedek en sumungkul wo ing kumamang isia.

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.

2 Petrus 2:4

Sé malaékat indior sé mengaéma' ing kamesé-meséaan ra'ica ampungan i Amang Kasuruan, taan iténdél-Na séra an api si ra'ica mape'de-pe'del akar ing kauré-uré. Séra yuntep ang kepal rarem wo riréimbeng en se'sek am bitu akar asi endo Sia mai makim pakasa in tou.

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.

Yudas 1:6

Taniitu ka'i wo sé malaékat sé lumébéo maké ing kakawasaan si aitantuo ai séra wo itumela'uo im patawoian éra. Séra yuntep asi tampa si uli-ulit riréimbeng, am bitu séra wina'kes i ranté si ra'ica kawukaan akar ing kauré-uré. Séra tinang am bitu akar asi endo pengaakiman en akimen asi endo wangko' itu.

Wahyu 12:12

Ampa'paan in ituo éi sorga wo kamu im baya sé maento' an untepna maaru-aruio, éi camu sé ang katanaan wo sé an ta'sic icawangkuro! Ampa'paan kailekano i kikiiten é sétang sapaoka en témpona tawio maka'pu, wo tumumpao mai sia ai camu ang karapi i mae'bow keli.”