Markus 5:34 - En Taar Weru a nunuwu' é Tontemboan

³⁴ Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”

Markus 5:34 ပူးပေါင်းရင်းမြစ်များ

Matius 9:2

Wo paalinai é tou a si Yesus si esa tou késo' aitekel am patekelanna. An tutuw sérén-Na em paémanen éra, kinailekan-Nao sapaoka séra maéman ai Sia, wo icua-Na a si tou késo' itu, “Ketereno mangé en atému éi toyaang-Ku, eng kamesé-meséaanmu niampungano.”

Matius 9:22

Si Yesus suméléng wo tuméinteng ai sia wo icua-Na, “Ketereno mangé en atému éi toyaang-Ku, em paémanenmu lumowiro ico.” An tutuw ituke' si wéwéné itu imasama'o.

Markus 10:52

Wo icua Yesus ai sia, “Ampa'paan ko maéman a Yaku, intarépé' ko ro'nao suméré.” Asi témpo ituke', si Bartimeus ro'nao suméré, wo sia kumiit si Yesus.

Markus 3:10

Ampa'paan kelio en tou sé sinama'-Na, akar pakasa sé tou sumakit merénké-réngké'an e mai misu' Sia.

Markus 5:29

An tutuw ituke' mentoo en enda' mengeso-ngesot ai sia. Wo pendamenna en owakna imasama'o.

Markus 5:33

Si wéwéné itu maindé'o keli akar ing gume'ger, ampa'paan kailekanna isiao e imisu' in juba i Yesus wo masama'. Ampa'paano in itu sia kumundu an dior i Yesus, wo isisilna waya sé imamuali ai sia.

Lukas 17:19

Wo cua i Yesus a si tou itu, “Tumulungo wo maya'o mangé, ampa'paano ko maémano a Yaku, ko imasama'o.”

Lukas 18:42

Wo icua Yesus ai sia, “Intarépé' ko ro'nao suméré! Wo ampa'paan ko maéman a Yaku, ko masama'o.”

Lukas 7:50

Taan icua i Yesus a si wéwéné itu, “Ampa'paan ko maéman a Yaku, ico linowiro. Anaé, maya'o mangé ko ang karapi in elur!”

Lukas 8:48

Wo icua i Yesus a si wéwéné itu, “É toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur.”

Kisah Para Rasul 14:9

Si tou itu makalinga si Paulus maroma'. Wo téintengen i Paulus si tou itu, kailekanna si tou itu maéman a si Yesus anaé ro'na masama'.

Kisah Para Rasul 15:33

Am bitu séra in dua imento' uré toyo'. Kumawus in itu, séra niénano é tou maéman an Antiokhia e maréng sumawel ang karapi in sama' an Yerusalem a sé tou irumu'du' iséra. [

Kisah Para Rasul 16:36

Wo si capala im bui kumua in taar itu a si Paulus icuana, “Sé makakawasa ing kota rumu'du' mekar icamu in dua. Anaé, intarépé', kamu ro'nao kumesot am bia'i wo mangéo ang karapi in sama'!”

Yakobus 2:16

Wo icua miowke' ai sia, “Mangéo in sama', makéo mio' ing karai' kura'ber wosama' ko ra'ica kautingan, wo ka'i kumano mio' akar imawesu wosama' ko ra'ica kaareman”. En aicua miow itu ra'ica wana torona sa ra'ica winéan iow em paperlunna.