Markus 4:6 - En Taar Weru a nunuwu' é Tontemboan

⁶ Taan an tutuw mantango mai si yéndo, en tinanem itu maweles wo mapera ampa'paan ra'ica maa'mut sama'.

Markus 4:6 ပူးပေါင်းရင်းမြစ်များ

Matius 13:6

Taan an tutuw mantango mai si yéndo, sé tinanem itu maweles wo mapera ampa'paan ra'ica imaa'mut sama'.

Markus 4:5

Awéan ka'i sé rumongkor an tana' wawatuan, en tana'na wayake' im pira. En lulumbo an tana' itu rior tumou, ampa'paan en tana'na waya im pira.

Markus 4:7

Wo sé lulumbo walina ka'i rumongkor an uner in dukut tutunéan. En dukut tutunéan ka'i menéé-néé wo sumaput in tinanem itu akar ime'del wo ra'- ica imua'

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Kolose 2:7

Wo iwayao mio' eng katouanmu maa'mut ai Sia wo wanguneno mio' eng katouan iow mamangén ai Sia si tanu tuurna. Iwayao mio' ka'i em paémanen iow makaketer kaputé sé aisusuio ai camu, wo iwayao mio' en até miow mengua-ngua i makapulu'sama' a si Amang Kasuruan.

2 Tesalonika 2:10

Sia itu maké i membam- balinaan em pakauwak léwo' sé tou akar i maka'pu. Sé tou itu ang karoro'ano im pepaté-patén ampa'paan séra ra'ica masalé' luminga in sususuien wutul asi Amang Kasuruan owo in andumoro' i Apo' Yesus wo ra'ica kiim lowiren.

Yakobus 1:11

Sa si yéndo mantango mai wo em paso' in télangna makatena-tena in dukut, en dukut itu maweles. Ampa'paan in itu em bungangna rumongkor wo maka'pu eng kapasungna. Tanu siituo ka'i sé tou siya', an tutuw éra rumaméji menawo-nawoi masuun in doit keli, séra in esa maté oka.

Yudas 1:12

An tutuw iow iméma' im pésta ing kuman en tuma'néi ing kaupusan i Amang Kasuruan, sé tou itu mapalawi-lawi'ke' taré. Em pakakan éra longi' wo asaloke' mengawerot ing katoronaan in owak in esa. Séra tanu in seringa am pésta miow. Séra tanuoka ing kambung pera ipawali-wali in deges taan ra'ica méé mai in uran. Séra ka'i tanuoka sé tuura ing kayu sé ra'ica mengawua' an orasna i mua', sé tuura itu makémbut ang karapi in a'mu-a'mutna wo makape'de-pe'del.

Wahyu 7:16

Séra ra'io ka'i maarem kuma'pa maré'om. Wo ka'i eng kapaso'na i yéndo ra'io tumena iséra.