Markus 3:9 - En Taar Weru a nunuwu' é Tontemboan

⁹ An tutuw sérén i Yesus taniitu eng kakeli é tou sé mai ai Sia, wo iru'du'-Na sé murit-Na tumu'tul in londéi en sakéan-Na, wosama' sé tou ra'ica ruméngké' Sia.

Markus 3:9 ပူးပေါင်းရင်းမြစ်များ

Matius 15:39

Wo iru'du' i Yesus sé tou keli itu maréng. Wo Sia sumaké an londéi wo mangé an sangkum i Magadan.

Markus 4:1

Asi makasa si Yesus tumo'tol ka'i masusui an tembir in lour Galilea wo kelian en tou mai mali'us ai Sia. Ampa'paan in itu, Sia sumaké an londéi si ang karoro'an i makasuwa' an tembir in lour wo Sia lumukut am bitu. Wo sé tou keli an tembir in lour.

Markus 4:36

Kumawus in itu tela'u éra sé tou keli itu wo sumaké an londéi pakalukutan i Yesus. Si Yesus wo sé murit-Na lumondéio mangé, wo sé londé-londéi walina mekiito mangé wo iséra.

Markus 5:2

Ketumpa mio' i Yesus an londéi wo mai ai Sia si esa tou si rinasuk i roh léwo' si ang kubur owo.

Markus 5:30

Asi témpo ituke' kailekan i Yesus sapaoka awéan kawasa icumesot an owak-Na. Wo Sia maréng in somoi a sé tou keli itu wo mamuéi, “Si séi réén e misu' in juba-Ku?”

Markus 6:32

Wo séra sumaké an londéi e maangé an tampa lulu in tou en tumané mangé am bitu.

Lukas 5:1

Asi makasa si Yesus makatulung an tembir in lour Genesaret. Wo keli sé tou imali'usai ai Sia e mai luminga in Taar i Amang Kasuruan.

Lukas 5:3

Wo si Yesus sumaké asi esa londéi anu i Simon. Wo iru'du'-Na si Simon en tumuké in londéina wosama' tumayang toyo' an tembir in lour. Wo si Yesus lumukut an londéi itu wo sumusui a sé tou keli sé an tembir in lour.

Yohanes 6:15

Kailekan i Yesus sapaoka Sia leséén éra e mamuali kolano éra, akar Sia in esa mangé sumingkir an tolaina.