Markus 3:7 - En Taar Weru a nunuwu' é Tontemboan

⁷ Si Yesus wo sé murit-Na tumela'u in tampa itu wo mangé an lour Galilea. Sé tou keli makii-kiit Sia, séra ra'ica asaloke' ang Galilea owo, taan ka'i an Yudea owo,

Markus 3:7 ပူးပေါင်းရင်းမြစ်များ

Matius 10:23

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Matius 12:15

Kailekan i Yesus em pinepaar éra, ampa'paan in itu itela'u- Na en tampa itu. Taan keli en tou sé makii-kiit Sia wo séra im baya sinama'Na.

Matius 12:16

Wo pinéro-Na séra eng kumua andumoro' Sia,

Matius 4:25

Ampa'paan in ituo sé tou keli meréro-rérot makiit si Yesus. Séra an sangkum ing Galilea owo, Dekapolis, Yerusalem, Yudea wo an lewet in doyongan Yordan wo mai am bitu.

Markus 1:39

Anaé, si Yesus mangé am pakasa in tampa ang Galilea. Sia kumua in Abar Kaaruien am balé-walé paapo'an éra wo musér sé sétang.

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

Markus 3:20

Kekawus in itu, si Yesus muntep an esa walé. Am bitu ka'i keli en tou mai mali'us, akar Sia wo sé murit-Na ra'io wana ka'i témpo eng kuman.

Markus 4:1

Asi makasa si Yesus tumo'tol ka'i masusui an tembir in lour Galilea wo kelian en tou mai mali'us ai Sia. Ampa'paan in itu, Sia sumaké an londéi si ang karoro'an i makasuwa' an tembir in lour wo Sia lumukut am bitu. Wo sé tou keli an tembir in lour.

Lukas 23:5

Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Lukas 6:12

Asi makasa, si Yesus mangé an esa tolaina en sumombayang. Am bitu Sia sangawengi menomba-nombayang a si Amang Kasuruan.

Lukas 6:17

Kumawus in itu, si Yesus wo sé sangapulu' rua murit-Na mewali-wali merosio' in tolaina wo séra mento' an esa ataran. Am bitu imali'uso sé tou keli makii-kiit Sia wo kelian ka'i sé tou walina imai an Yudea owo, ang kota Yerusalem owo wo asé rua kota an tembir in ta'sic makangaran Tirus wo in Sidon.

Yohanes 7:41

Wo sé walina makua, “Sia anio' Mesias, Kolano Lumolowir.” Taan sé walina makua, “Ra'ica! Si Mesias ra'ica imai ang Galilea owo.

Yohanes 7:52

Isowat éra ai sia, “Tou Galilea réén ka'i ko? Ti'tireno mangé sé ang Kitap Le'nas wo kakailekanmu oka, ra'ica wana nabi si mai ang Galilea owo.” [

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:14

Ampa'paan in itu sé tou maéman ang kota itu rumu'du' si Paulus e mario-rior mangé an ta'sic. Taan si Silas wo si Timotius makaento'pé' am Berea.