Markus 3:5 - En Taar Weru a nunuwu' é Tontemboan

⁵ Téintengen-Na séra im baya sé an li'cir-Na ang karapi in e'bow. Sia matapé ampa'paan séra keté até. Wo icua-Na a si tou itu, “Yuluro mai eng kamamu.” Wo yulurna eng kamana wo asi témpo ituke' imasama'o eng kamana.

Markus 3:5 ပူးပေါင်းရင်းမြစ်များ

Matius 12:13

Wo icua i Yesus a si tou itu, “Yuluro mai eng kamamu!” Wo yulurna eng kamana, wo asi témpo ituke' imasama'o eng kamana itu puté wo si kamana esa.

Markus 3:4

Wo wuéien-Na ai séra, “Si wisa e ro'na émaan asi endo Sabat? Méma' si loor kuma'pa si léwo'? Sumama' in tou kuma'pa maté tou?” Taan séra makapeneske'.

Lukas 13:15

Taan isowat i Yesus a si tou itu, “Icamu anio' punek! Asi endo Sabat kamu im baya mangé mekar si sapi kuma'pa keledai ang kurungan wo iwali miow mangé melep.

Lukas 17:14

Wo séra téintengen i Yesus wo icua-Na, “Mangém kamu a sé imam wo ituru'o mio' en owak iow ai séra.” Ang karoro'an éra i mawaya', séra imasama'o.

Lukas 6:10

Kumawus in itu téintengen i Yesus pakasa sé tou an li'cir-Na wo kumua a si tou sumakit itu, “Yuluro mai eng kamamu!” Wo yulurna tanu si aicua i Yesus. Asi témpo ituke' imasama'o eng kamana.

Yohanes 9:7

Wo icua-Na a si tou wola itu, “Mangéo, minamo ko ang kolam Siloam.” (Siloam itu eng kaangéanna, ayutus). Kelinga i tou wola itu sia mangé minamo ang kolam itu. Wo tutuwna maréng angé am baléna, sia ro'nao maséré.

Roma 11:25

Poo-poow esa paémanen, icuaku ai camu sé icaenepé' wosama' kamu ra'ica matirayo. Si anioo em pawasan i Amang Kasuruan sé icaenepé' itu: Kelian sé tou Israel imamualio keté ro'kos taan séra mamuali taniitu ra'ica akar ing kauré-uré, taan akarke' i malekep eng kakelina é tou ra'ica Israel sé maéman a si Kristus sé aitantuo i Amang Kasuruan.

2 Korintus 3:14

Indior sé tou Israel, em pakawerot éra kinatutuwano. Wo akar asi endo anio' em pakawerot éra kinatutuwané', ra'ica kaangéan éra sa maca ing kitap-kitap andumoro' im taar uré itu. Icita ro'na kumua sapaoka em bewerot éra pakatutuwané' ing kaéng. Eng kaéng itu ro'na imawuka' an tutuw éra maéman a si Kristus.

Efesus 4:18

Em bewerot éra imariréimbengo, wo séra menonou tayang wo si Amang Kasuruan, ampa'paan séra bodok wo en até éra keté.

Efesus 4:26

Sa kamu mae'bow, tioo mengaéma' ing kamesé-meséaan. Tioo eng kae'bowan itu yéma' miow akar i muntep si yéndo,

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

Ibrani 3:10

Siituo e mangémai séra ica'ebow-Ku keli, wo icua-Ku, ‘En até éra mengii-ngiitke' in lalan si mengasélé'kow. Séra ra'ica kiim kumiit in lalan-Ku.’

Ibrani 3:17

Wo si séi sé tou icae'bow keli i Amang Kasuruan epat ngapulu' ta'un eng kauréna? Sérao sé tou iméma' ing kamesé-meséaan wo e mayat éra ra'io metu'tul an tana' kapayasan.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

Wahyu 6:16

Wo icua éra a sé kuntung wo a sé watu itu, “Mapokalo mai wo tawunano mai kami wosama' kami caenep ai Sia si makalukut asi palukutan pasiri-siriin itu wo icaséip ang kae'bowan i Toyaang i Domba itu.