Markus 3:2 - En Taar Weru a nunuwu' é Tontemboan

² Am bitu ka'i awéan piraan tou sé mawere-weren a si Yesus sa Sia sumama' si tou itu an endo Sabat, wosama' séra ro'na méé kaséaan ai Sia.

Markus 3:2 ပူးပေါင်းရင်းမြစ်များ

Matius 12:10

Am bitu awéan si esa tou eng kamana esa imapalaio, wo am bitu awéan ka'i piraan tou Farisi sé maéré-éré ing kaséaan i Yesus. Séra mamuéi ai Sia, “Ro'na réén sumama' si tou sumakit an endo Sabat?”

Markus 3:3

Icua i Yesus a si tou eng kamana esa mapalaio, “Mayo, tumulungo mai an uner!”

Lukas 14:1

Asi makasa tumena in endo Sabat, si Yesus mai am balé i esa kikiiten é tou Farisi eng kuman am bitu. Pakasa sé tou am bitu meméé-méé rékén ai Sia sa sapa en émaan-Na.

Lukas 20:20

Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Lukas 6:7

Wo am bitu ka'i awéan sé makailek wutul in Torat wo sé piraan tou Farisi. Séra sé mawere-weren si Yesus sa Sia sumama' in tou an endo Sabat, wosama' séra ro'na méé ing kaséaan ai Sia.

Yohanes 8:6

Icua éra in taniitu e mangepé' a si Yesus, wosama' séra ro'na makéré alasan e méé kaséaan ai Sia. Taan si Yesus asalo icumuru wo mapatic in tuturu' ing kama-Na an tana'.

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.