Markus 3:18 - En Taar Weru a nunuwu' é Tontemboan

¹⁸ si Andreas, si Filipus, si Bartolomeus, si Matius, si Tomas, si Yakobus toyaang i Alfeus, si Tadeus, si Simon tou Zelot,

Markus 3:18 ပူးပေါင်းရင်းမြစ်များ

Matius 13:55

Ra'ica réén Sia itu toyaang i bas ing kayu? Ra'ica réén si inang-Na si Maria wo sé mepoow wo Sia si Yakobus, si Yusuf, si Simon wo si Yudas?

Matius 9:9

Kekawus in itu si Yesus tumela'u in tampa itu, sérén-Na si esa tou makangaran Matius makalukut an tampa é tou mawér im pajak, wo icua i Yesus ai sia, “Kumiito mai Yaku.” Si Matius ka'i tumulung wo kumiit si Yesus.

Markus 2:14

An tutuw Sia lumangkoi am bitu sérén-Na si Lewi, toyaang i Alfius makalukut an tampa é tou mawér im pajak. Wo icua i Yesus ai sia, “Kumiito mai Yaku.” Kelinga in itu, si Lewi tumulung wo kumiit si Yesus.

Markus 3:17

si Yakobus wo si tuarina Yohanes toyaang i Zebedeus, séra in dua ningaranan-Na ka'i Boanerges eng kaangéanna toyaang in erut,

Markus 3:19

wo si Yudas si kumianat oka si Yesus.

Markus 6:3

Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.

Yohanes 1:40

Esaan asé rua murit itu sé lumingao in aicua i Yohanes wo kumiit angé si Yesus, sia itu makangaran Andreas. Sia metuari wo si Simon Petrus.

Yohanes 11:16

Wo si Tomas si pengatowan ka'i Didimus, kumua a sé kara-karapina murit i Yesus walina, “Mayoo kita mangé ka'i an Yudea, mandé ka'i kita maté mewali-wali wo Sia.”

Yohanes 14:22

Wo si Yudas si ra'ica si Yudas Iskariot mamuéi a si Yesus, “Tuang, kéitu réén wayake' icami en tinuru'an-Mu in andumoro' si séi si Tuang en ulitna, ra'ica a sé pakasa sé tou ang kayo'baan?”

Yohanes 21:2

Asi sangando, si Simon Petrus, Tomas si pengatuulen Didimus, si Natanael tou Kana ang Galilea, sé rua toyaang i Zebedeus, wo sé rua murit walina, séra im baya imali'us an tembir in lour itu.

Kisah Para Rasul 1:13

An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Kisah Para Rasul 15:13

Kekawus i Paulus wo si Barnabas mepaar, wo icua ka'i i Yakobus, “Éi poo-poow, linganai aku!

Kisah Para Rasul 21:18

Mando mai, si Paulus mangé mewali-wali wo icami meta'up wo si Yakobus. Pakasa sé penatua am bituo ka'i.

1 Korintus 15:7

Kumawus in itu ka'i, Sia mangé mapaturu' a si Yakobus wo mangé ka'i mapaturu' a sé im pakasa é ruru'du'an.

1 Korintus 9:5

Ra'ica réén wana hak kami e makawali si penanaan ami esa paémanen eng kumiit ang karapi ami mangé sumelewir, kaputé im pinengaéma' é tuari i Apo' Yesus, wo sé ruru'du'an walina icauntep si Petrus?

Galatia 1:19

Taan ra'ica ipeta'upku sé ruru'du'an walina, yaku asalo meta'up wo si Yakobus, poow i Apo' Yesus.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

Yudas 1:1

Siri' a yaku owo, Yudas. Yaku anio' ata i Yesus Kristus si mepoow wo si Yakobus. En surat anio' aicirim a sé tou sé tinowa i Amang Kasuruan sé icaupus-Na keli wo ka'i sé pakatéiran-Na e mamuali tou i Yesus Kristus.