Markus 3:10 - En Taar Weru a nunuwu' é Tontemboan

¹⁰ Ampa'paan kelio en tou sé sinama'-Na, akar pakasa sé tou sumakit merénké-réngké'an e mai misu' Sia.

Markus 3:10 ပူးပေါင်းရင်းမြစ်များ

Markus 6:56

Am bisake' en angéan i Yesus, an doo-roong kuma'pa ang kota-kota, mangé iweta' éra sé tou sumakit am pasar wo mekiupus ai Sia, sa woo ro'na séra mandé asaloke' misu' in tempok in juba-Na. Pakasa sé tou sé misu' Sia masama'.

Matius 14:36

Wo séra mekiupus a si Yesus wosama' énan-Na mandé asaloke' misu' in tempok in juba-Na. Wo pakasa sé tou sumakit sé misu' ai Sia imasama'.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Kisah Para Rasul 5:15

Sé tou sumakit iwali é tou an tembir in lalan wo itekel éra am patekelan wo an tepé. Séra méma' in taniitu wosama' sa si Petrus lumangkoi, sé tou sumakit itu ro'na katenaan im bayangna.

Lukas 7:2

Am bitu, awéan si kikiiten é sanga atus suraro Romawi, makaanu esa ata si paupu-upusna. Si ata itu sumakit repet wo mepaté-patéo.

Ibrani 12:6

Ampa'paan si tou ipaupu-upus i Casuruan tepian-Na wo si tou si niaku-Na tanu toyaang samboken-Na.”

Markus 5:34

Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”

Matius 14:14

Icateka' mangé en londéi pakasakéan i Yesus, sérén-Na keli en tou wo mai eng kaupusan-Na ai séra wo sé tou sumakit sinama'-Na.

Matius 12:15

Kailekan i Yesus em pinepaar éra, ampa'paan in itu itela'u- Na en tampa itu. Taan keli en tou sé makii-kiit Sia wo séra im baya sinama'Na.

Markus 8:22

Kekawus in itu, si Yesus wo sé murit-Na icateka'o an doong Betsaida. Wo paalinai é tou si esa tou wola a si Yesus wo séra mekiupus ai Sia, wosama' isuun-Na si tou itu.

Lukas 5:3

Wo si Yesus sumaké asi esa londéi anu i Simon. Wo iru'du'-Na si Simon en tumuké in londéina wosama' tumayang toyo' an tembir in lour. Wo si Yesus lumukut an londéi itu wo sumusui a sé tou keli sé an tembir in lour.

Lukas 6:19

Pakasa é tou itu rumaméji misu' Sia ampa'paan an owak-Na, palemboian ing kawasa e méma' iséra im baya masama'.

Lukas 7:21

Asi témpo itu, si Yesus sumama' sé tou keli sé membam-balinaan en sakit si méma' iséra mawendu wo musér ka'i sé roh léwo'. Sia ka'i iméma' kelian sé tou wola ro'na maséré.