Markus 2:8 - En Taar Weru a nunuwu' é Tontemboan

⁸ Taan makala'us kailekan-Na en an untep in até éra sapa em pemero-meroten éra. Wo icua-Na, “Kéitu réén kamu mawerot tanu siitu an untep in até?

Markus 2:8 ပူးပေါင်းရင်းမြစ်များ

Matius 12:15

Kailekan i Yesus em pinepaar éra, ampa'paan in itu itela'u- Na en tampa itu. Taan keli en tou sé makii-kiit Sia wo séra im baya sinama'Na.

Matius 16:7

Kelinga in itu, séra memero-merot wo mengkung-kuanan a si esa wo sé walina, “En itu aicua-Na, ampa'paan kita ra'ica imaali roti.”

Matius 9:4

Taan kailekan i Yesus em pawero-weroten éra, wo icua-Na ai séra, “Kéitu réén kamu mawerot andumoro' sé léwo' an untep in até miow?

Markus 2:7

“Kéitu réén si Tou anio' numuwu' tanu siitu? Sia maojato si Amang Kasuruan. Si séi réén e ro'na méé kaampungan ing kamesé-meséaan é tou aluar si Amang Kasuruan?”

Markus 2:9

Si wisa en lébé taporak icua-Ku a si tou késo' anio', ‘Eng kamesé-meséaanmu niampungano’, kuma'pa ‘Tumooro, angkaieno en tepému wo maya'o’?

Markus 7:21

ampa'paan an untep owo in até é tou kumesot waya em bewerot léwo', mengaéma' in cabul, mengarombit, mengapaté tou,

Lukas 24:38

Taan icua i Yesus ai séra, “Kéitu réén kamu maindé'? Wo kéitu réén en até miow marua-rua wasa andumoro' Yaku?

Lukas 5:22

Taan kailekan i Yesus em pawero-weroten éra. Wo icua-Na ai séra, “Sapa réén em pemero-meroten iow an untep in até?

Lukas 6:8

Taan kailekano i Yesus em pawero-weroten éra wo icua-Na a si tou eng kamana esa mapalaio itu, “Tumooro wo tumulungo mai an uner!” Wo si tou itu tumoor wo tumulung an uner éra.

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Yohanes 6:64

Taan an uner iow awéan sé ra'ica maéman.” Icua i Yesus in taniitu, ampa'paan asi catarépé' kailekan-Na sé ra'ica maéman wo si sumarakan Sia a sé kaséké'.

Kisah Para Rasul 5:3

Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Kisah Para Rasul 8:22

Anaé, mape'diso mangé ang kaléwo-léwo'anmu wo sumombayango mangé a si Casuruan wosama' ampungan-Na mai em paaté-aténmu léwo' itu.

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.