Markus 2:18 - En Taar Weru a nunuwu' é Tontemboan

¹⁸ Asi makasa, sé murit i Yohanes wo sé tou Farisi ang karoro'- an i mapuasa. An tutuw itu mai a si Yesus sé piraan tou wo icua éra, “Sé murit i Yohanes wo sé murit é tou Farisi mapuasa, taan kéitu réén sé murit i Tuang ra'ica?”

Markus 2:18 ပူးပေါင်းရင်းမြစ်များ

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:18

wosama' ra'ica kailekan é tou sapaoka kamu ang karoro'an imapuasa, taan wayake' si Amang iow si an tampa ra'ica kaséréan e makailek. Wo si Amang iow si makaséré mai sé caenep, suliin-Na oka mai sapa e niéma' miow itu.”

Markus 2:19

Wo isowat i Yesus ai séra, “Ro'na réén sé kara-karapi i pengantén tuama muasa ang karoro'an i pengantén itu mewali-walipé' wo iséra? Ang kauré i pengantén itu mewali-walipé' wo iséra, séra ra'ica muasa.

Lukas 18:12

Yaku mengapuasa makarua susur in duminggu wo yaku ka'i mengawéé sangapepulu' am pakasa im buéna in tinawoiku.’

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.